• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 22:53:26
Almaty
+15°

Jambyl oblysynyń ákimi Berdibek Saparbaev elde ótip jatqan mıtıngterge qatysty kózqarasyn bildirdi. Bul týraly ol jýrnalıst Nartaı Aralbaıulynyń YouTube-kanalyna bergen suhbat barysynda aıtty.

– Jalpy demokratııaly memleket bolǵannan keıin demokratııa bolý kerek. Biraq mıtıngtiń de mıtıngi bolý tıis. Mysaly qazir vaksınaǵa qarsy mıtıng uıymdastyryp jatyr. Meniń oıymsha bul durys emes. Dúnıejúzi densaýlyq saqtaý uıymy vaksına almasaq indetten qutyla almaıtynymyzdy aıtty. Sonda "Qazaqstan" bólek memleket pe?! Onyń ústine bizdiń elge kelýshiler de bar, ózimiz de basqa memleketterge baramyz. Eger biz bir jaqqa baryp, órisimizdi keńeıtemiz desek – ekpeden ótip, bala-shaǵamyzdy úıretýimiz kerek, – dedi oblys ákimi.

Saparbaev byltyrǵy koronavırýstan bolǵan ólim-jitim qazaqstandyqtarǵa sabaq bolýy keregin atap ótti.

– Bizde áleýmettik jeliler arqyly ekpege qarsylyq bildirip, mıtıngke shyǵýǵa shaqyrady. Keshe ǵana "balalardyń ekpe alýyna qarsymyz" dep jazyp jiberipti. 18 jasqa deıingi balalar ekpe almaıdy. Ekpe salýǵa eshkimdi májbúrlemeıdi. Biraq aýyryp qalsa ol qaıda barady?! Árıne, aýyrǵannan keıin ol memleketke keledi. Keıin óziniń ekpeden bas tartqanyn umytyp ketedi. Onyń zııany bala-shaǵasyna, aǵaıyna, dostaryna tıedi.

Meniń oıymsha memleket qaramaı, máseleni sheshpeı jatsa, mıtıngke shyǵý kerek. Mıtıngtiń óziniń mádenıeti bolýy qajet. Biz áýesqoı, eliktegish halyqpyz. Máselen Amerıka, Eýropaǵa qarap, solaı jasaý kerek dep oılaımyz. Ol kezde eshteńe de bolmaıdy. Bizde zańda mıtıngtiń qalaı ótý kerektigi jazylǵan, – dedi Berdibek Saparbaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir