• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 21:59:02
Almaty
+15°

Forbes Qazaqstan jýrnalynyń shyǵarýshysy Armanjan Baıtasov belgili bıznesmen Bolat Ábilovpen suhbattar serııasynyń kezekti bólimin jarııalady. Bul jolǵy shyǵarylym barysynda kásipker 1992 jyly Qazaqstannyń tuńǵysh prezıdenti Nursultan Nazarbaevtyń qalamyn qalaı satyp alǵany týraly aıtyp bergen.

Bul qalammen Qazaqstannyń BUU-ǵa qabyldanýy týraly qujatqa qol qoıylǵan.

Onyń aıtýynsha, 1992 jyly Sara Nazarbaevanyń jetekshiligimen telemarafon ótip, sonyń aıasynda aýksıon uıymdastyrylǵan. Ol jerde Roza Baǵlanovanyń sháı ishetin servısi, Bıbigúl Tólegenova men Ermek Serkebaevtyń sahnalyq kostıýmderi, Nursultan Nazarbaevtyń saǵaty men qalamy oınatylatyny habarlanǵan.

– Osyny birgen boıda qalamdy qaıtsem de, qansha tursa da satyp alam dep sheshtim. Onyń birneshe sebebi boldy. Birinshiden, bıznes ókili retinde tuńǵysh prezıdentimizdi qoldaǵym keldi. Ekinshiden, Respýblıka saraıy zalynda sheteldikter kóp boldy. Ári tikeleı efır arqyly kóptegen sheteldik kompanııa ókilderi aýksıondy tamashalap otyrdy. Sondyqtan qalamnyń sheteldik bıznesmender qolyna ótip ketýine jol bermeý kerek edi. О́ıtpegende qazaq kásipkerleri osyndaı zattyń shetel asyp ketýine tosqaýyl bola almady degen áńgime taraıtynyn bildim. Úshinshiden, zalda qaltaly bandıtter de otyrdy. Eger olar satyp alsa, qalammen sýretke túsip, maqtanyp, yńǵaısyz jaǵdaı bolar edi. Al bizge osyndaı qadirli dúnıege ıe bola almadyńdar degen sóz keler edi. Tórtinshiden, moıyndaǵan durys qoı, men qalamdy satyp alǵanda kúlli respýblıkaǵa tanylatynymdy bildim. "Qazaqmys" men "Qazmunaıgaz" aqsha bólgenin bári umytyp, tek qalamdy talqylaıdy. Aqyrynda men qalamdy satyp aldym. Saltanatty rásim aıaqtalǵan soń prezıdent kúzetshisi meni shaqyryp aldy. Nursultan Ábishulymen osylaı tanystym. Ol maǵan sol kúngi data – 1992 jylǵy 16 aqpan kúnimen qol qoıyp berdi, – deıdi ol.

Bıznesmen oılaǵandaı erteńinde-aq keńsesiniń aldy jýrnalısterge toly bolǵyp, áp-sátte tanymal adam bolyp shyǵa kelgen.

"Qamshy" silteıdi
Ilmek sózder: "Býtıa" Bolat Ábilov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir