• USD 475.51

  • EUR 464.15

  • RUB 8.2

  • CNY 66.85

03 Qazan, 21:23:44
Almaty
+12°

Medısına ǵylymdarynyń doktory, professor, akademık Tóregeldi Sharmanov elde órship turǵan jemqorlyqqa alańdaýshylyq bildirip, onymen qoǵam bolyp kúresýge shaqyrdy.

"Kezinde laýazymdy qyzmette júrgen tusta qandaıda bir taraptan gúl nemese shampan syıǵa tartylsa biz munyń ózin «"orynsyz jaǵyný" dep tanyp, qabyldamadyq. Al qazir sol gúldiń de shampannyń da kók tıyndyq quny bolmaı qaldy. Qazirgi jemqorlyqtyń qulqyny óte keń. Qoǵamda "túıeni túgimen jutatyndar" kóbeıip ketti. Negizinde, bul jaman qasıet qazaqqa tán emes edi.

Myna men óz basym biraz kezeńdi basymnan ótkerdim. Keńestik kezeńde bireýdiń bir artyq nársesin kórse ol talqyǵa salynatyn, tekseriletin, jaýapqa tartylatyn. Ol kezde para berý de, alý da urlyqqa sanalatyn. Qazir ólim men ómirdiń arasynda arpalysyp jatqan adamnan para suraıtyn halge jettik" dep jazady ǵalym instagram paraqshasynda.

Tóregeldi Sharmanov qoǵamdy ilgeriletý jolynda jemqorlyqty joıý asa mańyzdy dep sanaıdy.

"Biraq jalaqysy qomaqty, otbasyn asyraýǵa tolyq qabiletti, qolynan is keletin joǵaryda otyrǵandardyń da osy dertke ushyraǵany jasyryn emes. Saıyp kelgende, báriniń tonaıtyny – qara halyq. Sol qara halyqtyń paraqorǵa jem bolyp jatqanyn kórgende "qandaı zamanǵa tap boldyq" dep baz keshetinim de ras. "Oramalyn" jasap máseleni sheshýge daǵdylaný – asa qaýipti dert. Eger biz bolashaqta ult bolyp uıysqymyz kelse aldymen osy indetten arylýdy oılastyrǵanymyz jón. Jemqorlyqpen qoǵam bolyp kúresýimiz kerek. Birden para berýge umtylǵansha máseleni basqasha sheshýdiń joldaryn qarastyrǵanymyz abzal. Tipti keıde zańdy bilmegendikten, tildi jetik meńgermegendikten op-ońaı bolmashy nárselerdi sheshýge "rahmetin" aıtyp syı usynatyndar da bar. Munyń barlyǵy kúni erteń qazaqtyń damý úlgisine keri áser etetin jaıttar. Sondyqtan órkenıetti elderdiń qatarynan kóringimiz kelse qoǵam paraqorlardan tazarýymyz kerek" dep jazdy professor.

"Qamshy" silteıdi
Ilmek sózder: Tóregeldi Sharmanov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir