• USD 468.56

  • EUR 497.56

  • RUB 7.3

  • CNY 67.18

28 Naýryz, 16:44:37
+35°
Pegasus tyńshy baǵdarlamasy arqyly telefony tyńdalǵan bolýy múmkin adamdar qatarynda Qazaqstan prezıdenti Qasym-Jomart Toqaev, premer-mınıstr Asqar Mamın, Almaty qalasynyń ákimi Baqytjan Saǵyntaev bar. Bul týraly jemqorlyq pen uıymdasqan qylmysty zertteý ortalyǵy (OCCRP) habarlady.
 
Buǵan deıin baǵdarlama arqyly tyńdalǵan bolýy múmkin adamdar tiziminde 2000 qazaqstandyq nomer bary habarlanyp, onyń ishinde naqty 5 adamnyń aty-jóni atalǵan. Olardyń qatarynda Informburo.kz saıtynyń jýrnalısi, "BESsımptomno" telegram-kanalynyń avtory Serikjan Máýletbaı, Central Asia Monitor gazetiniń burynǵy bas redaktory Bıgeldi Ǵabdýllın, quqyqqorǵaýshy Baqytjan Tóreǵojına jáne fransýz belsendileri Martın Vııom men Kventın Gııme bar. Sońǵy eki tulǵanyń Qazaqstanǵa qandaı qatysy bary ázirge belgisiz. Jemqorlyq pen uıymdasqan qylmysty zertteý ortalyǵy bul jóninde aqparat taratpady.
 
Endi ortalyq tyńdalǵan bolýy yqtımal tulǵalar retinde prezıdent Qasym-Jomart Toqaev, premer-mınıstr Asqar Mamın, Almaty qalasynyń ákimi Baqytjan Saǵyntaevtyń aty-jónderin jarııalady. Ortalyq málimetinshe, Baqytjan Saǵyntaevty Pegasus baǵdarlamasy arqyly 2018 jyly ol premer-mınıstr bolyp turǵanda ańdyǵan.

Zertteýshiler telefony tyńdalǵan 2000 adam ishinde saıası jáne iskerlik orta tulǵalary, Qazaqstannyń eks-prezıdenti, Qaýipsizdik keńesiniń tóraǵasy Nursultan Nazarbaevtyń básekelesteri kóptep júrgenin aıtady. Ortalyq bul adamdardy ańdýǵa tapsyrys Qazaqstan úkimeti tarapynan berilgen bolýy múmkin ekenin jazdy.

Pegasus – álem boıynsha myńdaǵan adamdy ańdýmen aınalysatyn tyńshy baǵdarlamasy. Jemqorlyq pen uıymdasqan qylmysty zertteý ortalyǵynyń málimetinshe, jýrnalıster baǵdarlamanyń yqtımaldy nysanasy bolǵan 50 myń adamnyń tizimin qolǵa túsirgen. Olardyń arasynda tyńdalǵan 2000 qazaqstandyq bar.

Tizimde aty-jónderi atalatyn resmı tulǵalar buǵan baılanysty ázirge pikir bildirgen joq. Al jýrnalıst Serikjan Máýletbaı men quqyqqorǵaýshy Baqytjan Tóreǵojına telefony tyńdalatynyn burynnan ańǵarǵanyn aıtyp, muny kásibı qyzmetimen baılanystyrady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir