Aqtóbede eki jeńil kólik soqtyǵysyp, 2 adam qaıtys boldy

Aqtóbe oblysyna qarasty Temir aýdanynda eki jeńil kólik soqtyǵysyp, eki júrgizýshi kóz jumdy.

Qaıǵyly oqıǵa búgin saǵat 14:00-de bolǵan. Keńqııaq-Sarykól tasjolynda VAZ-2115 jáne VAZ-2110 avtokólikteri soqtyǵysqan.

Saldarynan eki avtokóliktiń júrgizýshileri oqıǵa ornynda qaıtys boldy. VAZ-2115 avtokóliginiń 83 jastaǵy jolaýshysy aýdandyq aýrýhanaǵa jatqyzyldy.

Atalǵan is boıynsha Qylmystyq kodekstiń 356-baptyń 2-bóligi (abaısyzda adam ólimine ákep soqqan jol qozǵalysy erejesin buzý) boıynsha sotqa deıingi tergeý bastaldy.

Qazir jol-kólik oqıǵasynyń sebebi anyqtalyp jatyr.