16 Shilde, 2021 Álem
Foto: Cnn.com
AQSh prezıdenti Djo Baıden Aq úıde Germanııa kansleri Angela Merkelmen kezdesti. Bul týraly CNN aqparat agenttigi habarlady.
Kezdesý barysynda kóshbasshylar Germanııa-Reseı qubyr jelisi, Aýǵanstannan shyǵý prosesi, Covid-19 epıdemııasy jáne ǵalamdyq jylyný máselelerin talqylady.
Baıden Germanııada tabıǵı apattan qaza tapqandardyń týystaryna kóńil aıtyp, Merkeldi alǵashqy áıel kansler bolǵany úshin jáne bılikte uzaq ýaqyt otyrǵanymen quttyqtady.
Baıden eki eldiń energetıka jáne qorshaǵan orta salasynda yntymaqtastyq jasaıtynyn málimdedi. Kóshbasshylar Germanııa men Reseı arasynda salynatyn "Soltústik qubyr-2" jobasynda "Reseıdiń energııa resýrstaryn qarý retinde paıdalanýyna jol bermeý" týraly kelisim jasady.
Baıden Aýǵanstandaǵy AQSh áskerlerine qoldaý kórsetip júrgen nemis kúshterine de alǵysyn bildirdi.
– Bizdiń terrorısterge qarsy yntymaqtastyǵymyz jalǵasady, – dedi Djo Baıden.
Eki kóshbasshy kóptegen máseleler boıynsha ortaq kózqarastarynyń bar ekenin aıta kele, Qytaıdaǵy adam quqyqtaryna degen kózqarasymen kelispeıtinin málim etti.
Merkel prezıdenttik qyzmetti qabyldaǵannan keıin Baıdenge barǵan alǵashqy eýropalyq kóshbasshy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir