Bas múftı kásipkerlerdi qurban aıtta mal baǵasyn qymbattatpaýǵa shaqyrdy

QMDB tóraǵasy, Bas múftı Naýryzbaı qajy Taǵanuly Ortalyq kommýnıkasııalar alańynda ótken brıfıngte kásipkerlerdi Qurban aıt meıramy qarsańynda mal baǵasyn qymbattatpaýǵa shaqyrdy.

– Mal baǵasyn qadaǵalaý bizdiń quziretimizge kirmeıdi. Biz shamamyz kelgenshe nasıhat aıtyp jatyrmyz. QMDB qyzmetkerleri jáne qaladaǵy bas ımamdar kásipkerlermen jolyǵyp, kelissózder júrgizip jatyr. Qazir birneshe kásipkerlerimiz bizdiń ótinishimizge qulaq asyp, bir baǵany bekitip, qoldaý kórsetýde, – dep jaýap berdi bas múftı.

Naýryzbaı qajy Qurban aıt merekesi byltyrǵydaı onlaın-rejımde ótetinin málimdedi.