• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 23:48:32
Almaty
+14°

Almaty oblysynda 6 shildede bolǵan jol apatynan qaza tapqan áıeldiń kúıeýi kináli tarap ókilderi ózderinen keshirim suramaǵanyn,  kináliler tıisti jazasyn alýy úshin aqyryna deıin baratynyn aıtty. Bul týraly "Evrazııa" arnasy habarlady.

– Qyzym anasynyń qaıtys bolǵanyn túsinbeıdi. Men oǵan munyń bárin qalaı túsindiretinimdi bilmeımin. Tipti olar (jol apatyna kináli tarap ókilderi – red) jerleý rásimine kelip, keshirim de suramady. Bizdiń aldymyzdan ótse, keshirer edik. Bizge olardyń aqshasy kerek emes. Qaıǵyly oqıǵanyń ótkenine bir apta ótti. Men endi olardy keshirgim kelmeıdi, istiń aqyryna deıin baramyn, – deıdi qaza tapqan áıeldiń kúıeýi Maqsat Serikbaev.

Buǵan deıin Almaty oblysynda 6 shilde saǵat 00:10 shamasynda jol apaty bolǵany habarlanǵan. "Toyota Land Cruiser" avtokóliginiń 18 jastaǵy júrgizýshisi rólge ıe bola almaı, qarsy jolaqqa shyǵyp ketip "Toyota Avensis" avtokóligimen soqtyǵysqan. "Toyota Avensis" kóliginiń júrgizýshisi men onyń 26 jastaǵy jolaýshysy alǵan jaraqattarynan oqıǵa ornynda qaıtys bolǵan.

Toyota Avensis kóligin tizgindegen Ernar Tájikov 23 jasta edi. Ol inisi men qaryndasyna kómektesý úshin Semeıden Almatyǵa kele jatqan. Olardyń ata-anasy da jol apatynan qaıtys bolǵan. 

Ad keshe Qarasaı aýdandyq soty 18 jastaǵy júrgizýshi qamaýǵa alynǵanyn habarlady. 

 

"Qamshy" silteıdi
Ilmek sózder: Almaty jol apaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir