• USD 468.56

  • EUR 497.56

  • RUB 7.3

  • CNY 67.18

28 Naýryz, 22:34:15
Almaty
+35°

Eńbek jáne halyqty áleýmettik qorǵaý mınıstri Serik Shárkenov COVID-19 ınfeksııasyna qarsy vaksına saldyrmaǵan adam jumystan qandaı jaǵdaıda shettetiletinin túsindirdi.

– Halyq densaýlyǵy jáne densaýlyq saqtaý júıesi týraly" QR Kodeksiniń 77-babyna sáıkes kez kelgen medısınalyq rásim, onyń ishinde vaksınasııa ekpe alýshynyń kelisimimen ǵana júrgiziledi. QR zańnamasynda vaksınasııadan bas tartqany úshin ákimshilik nemese qylmystyq jaýapkershilik qarastyrylmaǵan, – dedi mınıstr.

Vaksına saldyrmaǵan qyzmetkerler 7 kúnde bir ret PTR-test tapsyryp turýǵa mindettelgen. Osyǵan baılanysty, jumys berýshi:

a) COVID-19-ǵa qarsy vaksına saldyrmaǵan jumyskerge qashyqtyqtan jumys nysanyna kóshýdi usynýǵa (mundaı múmkindik bolǵan jaǵdaıda) quqyly;

b) Qazaqstan Respýblıkasy Eńbek kodeksiniń 48-babynyń 1-tarmaǵyna sáıkes qashyqtan jumys isteýden bas tartqan ne jumysty oryndaý múmkindigi bolmaǵan kezde jalaqysy saqtalmaı shettetiledi. Bul rette, jumys berýshi ýaqytsha bolmaǵan qyzmetkerdiń mindetterin oryndaý úshin basqa qyzmetkerdi qabyldaýǵa quqyly bolady.

c) jumysty qashyqtan oryndaý múmkindigi bolmaǵan jaǵdaıda jáne qyzmetker jumysty kúndizgi rejımde júzege asyrýǵa tilek bildirse, qyzmetker óz esebinen mindetti PTR-testileýden (7 kúnde 1 ret) ótýi qajet.

Sonymen birge, taraptardyń kelisimi boıynsha mindetti PTR-testileý (7 kúnde 1 ret) jumys berýshiniń qarajaty esebinen júzege asyrylýy múmkin.

– Osylaısha, jumys berýshi vaksınasııadan bas tartýǵa baılanysty qyzmetkerdi jumystan shyǵarýǵa quqyly emes. Sonymen qatar, qyzmetkerler ózderiniń eńbek quqyqtaryn qorǵaý úshin jumys berýshiniń ornalasqan jeri boıynsha tıisti ákimshilik-aýmaqtyq birliktiń eńbek ınspeksııasy jónindegi basqarmasyna ótinish jasaýǵa quqyly, – dep aıtty mınıstr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir