Toqaev: Aýyl sharýashylyǵy mınıstri otstavkaǵa ketýi tıis

Prezıdent Qasym-Jomart Toqaev úkimettiń keńeıtilgen otyrysynda aýyl sharýashylyǵy mınıstri Saparhan Omarov otstavkaǵa ketýi kerektigin aıtty.

Mundaı qıyn jaǵdaıda mınıstrlik tez arada jedel jáne sheshimdi túrde áreket etýi kerek edi. Biraq mınıstrlik ýaqytynda qajet jumysty atqara almady. Sondyqtan mınıstr Saparhan Omarovtyń otstavkaǵa ketkeni durys dep oılaımyn, - dedi Toqaev úkimettiń keńeıtilgen otyrysynda.

Qazaqstanda kóktemniń sońy jazdyń basynda azyq-túlik taýarlary qymbattap, tapshylyq sezilgen. Sondaı-aq jaýyn-shashyn az túsýine baılanysty eldiń birneshe aımaǵyn qýańshylyq jaılap, jem-shóp tabylmaı, mal jappaı qyrylǵan.