• USD 468.56

  • EUR 497.56

  • RUB 7.3

  • CNY 67.18

28 Naýryz, 15:33:35
Almaty
+35°

Qoǵam belsendisi Muhtar Taıjan erteń prezıdent Q.Toqaevtyń qatysýymen ótetin  úkimettiń keńeıtilgen otyrysynan aıtarlyqtaı nátıje kútpeıtinin aıtty. Bul týraly ol facebook paraqshasynda jarııalady. 

– Erteń prezıdent Toqaev jarty jyldyń qorytyndysy boıynsha oblys ákimderiniń qatysýymen úkimettiń keńeıtilgen otyrysyn ótkizedi. Men kóp narse kútemin dep aıta amaımyn. Bir jyl buryn reformalar jónindegi joǵarǵy keńeste úmitim boldy. Biraq úkimet otyrysy bir apta buryn ótti, adamdar ony baıqamady da. Durys, óıtkeni onda eshqandaı reforma jarııalanǵan joq. 

Strategııalyq josparlaý jáne reformalar agenttiginiń tóraǵasy Qaırat Kelimbetov memleket basshysyna jalpyulttyq basymdyqtar men 2025 jylǵa deıingi ulttyq damý josparyn oryndaýǵa baǵyttalǵan 10 ulttyq jobany tanystyrdy. Ol bıýdjetten mıllıard dollar suraıtyny belgili. Biz mundaıdy kórip qoıǵanbyz, – deıdi Muhtar Taıjan. 

Qoǵam belsendisi Toqaevtyń prezıdent retindegi merzimniń 2 jyly ótip ketkenin, biraq ekonomıkalyq saıasatta naqty ózgeris  bolmaǵanyn aıtady. Ol muny kadrlardan kóredi. Belsendi erteńgi jıynda kadrlyq ózgerister bolmasa, elde beıbit ózgeris bolatynyna senbeıtinin, qurǵaqshylyq, qymbatshylyq, halyqtyń kedeılenýi áleýmettik kúızelisterge soqtyryp jatqanyn jetkizdi.

Muhtar Taıjan prezıdent aldynda eki tańdaý tur dep sanaıdy.

– Jaqynda Gaıtı prezıdentin atyp óltirdi, basynda meniń oǵan janym ashyǵan. Biraq ol el konstıtýsııasyn ózgertip, óziniń dıktatýrasyn ornatpaqshy bolypty. Bul eldi dıktatýra ábden qajytty. Dıývaleniń ákesi men uly bul eldi álemdegi eń kedeı jáne jemqor elge aınaldyrdy. Dıývaleniń ákesi ózin qudaı dep jarııalady. 

Al Ýkraına prezıdenti Zelenskıı ekonomıkalyq reformalardyń toqtap qalýynyń negizgi sebebin durys anyqtap, maýsym aıynda olıgarhtar bıligin shekteıtin zań engizdi. Eger partııalar bul zańdy qabyldamasa, Zelenskıı ony búkilhalyqtyq referendýmǵa shyǵarýǵa nıetti. Men Zelenskııdiń bul qadamyn tolyǵymen qoldaımyn. Bári óte ońaı. Gaıtıdiń nusqasy nemese Zelenskııdiń mysaly. Tańdaý sizde, prezıdent myrza. Toıymsyz olıgarhtardyń múddeleri nemese Qazaqstannyń mıllıondaǵan azamatynyń ómiri. Al tarıh óziniń obektıvti baǵasyn beredi, – dedi ol. 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir