• USD 422.01

  • EUR 452.06

  • RUB 6.75

  • CNY 62.72

26 Mamyr, 21:28:48
Almaty
+22°

Bilim jáne ǵylym mınıstrligi Shymkent qalasynyń eki joǵary oqý orny bas lısenzııasynan aıyrylǵanyn málimdedi. Olar "Orda" (burynǵy "Silkway Halyqaralyq ýnıversıtet") men "Mıras" ýnıversıteti.

"2020 jyly "Orda" jáne "Mıras" ýnıversıtetterin tekserý barysynda bilim berý salasyndaǵy zańnamany óreskel buzýshylyqtar anyqtaldy. Eki joǵary oqý ornynyń qyzmeti toqtatylyp, olarǵa anyqtalǵan buzýshylyqtardy joıýǵa ýaqyt berildi. Alaıda joǵary oqý oryndary qateliktermen jumys júrgizbeı, 8 aı komıtettiń lısenzııany toqtata turý týraly sheshimine shaǵymdanýmen aınalysty. Biraq sońynda sot komıtettiń sheshimin kúshinde qaldyrý týraly sheshim qabyldady. Al ýnıversıtettiń kóptegen shaǵymdary qanaǵattandyrylmady" delingen habarlamada.

Mamyr aıynda qaıta tekserý qorytyndysy boıynsha qateliktermen jumys júrgizilmegeni anyqtalǵan.

– Eń basty másele kadrlardy daıarlaý sapasynda boldy. Mysaly, "Orda" ýnıversıtetinde oqıtyndardyń 97%-y shekti baldan óte almady jáne oqý prosesinde alynǵan bilim men quzyretterdiń jetkilikti deńgeıin rastaı almady. Eki JOO-da kestege sáıkes jappaı sabaq ótkizbeý faktileri anyqtaldy. Aǵymdaǵy baǵalar qoıylmaǵan, bekitilgen kestege sáıkes emtıhandar ótkizilmegen, pánder tolyq kólemde oqytylmaǵan.

Tıisti 5 kredıttiń ornyna tek 3 kredıt ıgerildi. Barlyq pán oqý-ádistemelik materıaldarmen qamtamasyz etilmegen. Oqytýshylardyń bekitilgen pedagogıkalyq júktemesi men onyń naqty oryndalýy arasynda úlken aıyrmashylyqtar bar, ıaǵnı oqytýshyda júktemede belgili bir pán boıynsha dáris oqý josparlanýy múmkin, al is júzinde ol ony oqymaıdy, – dep atap ótti BǴM Bilim jáne ǵylym salasyndaǵy sapany qamtamasyz etý komıtetiniń Joǵary jáne joǵary oqý ornynan keıingi bilim berý salasyndaǵy baqylaý basqarmasynyń basshysy Elvıra Saparbekova.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir