Erteńnen bastap Reseıge kirý tártibine ózgeris engiziledi

2021 jylǵy 10 shildeden bastap Reseı Federasııasynyń memlekettik shekarasyn kesip ótý úshin COVID-19 PTR synamasynyń bolýyn "Pýteshestvýıý bez COVID-19" baǵdarlamasy arqyly rastaý qajet bolady. Bul týraly COVID-19 taralýyna jol bermeý jónindegi vedomstvoaralyq komıssııa málim etti.

Reseı Federasııasy bas sanıtarlyq dárigeriniń qaýlysyndaǵy ózgeriske sáıkes Eýrazııalyq ekonomıkalyq odaqqa múshe memleketterdiń azamattary (Armenııa Respýblıkasy, Belarýs Respýblıkasy, Qazaqstan Respýblıkasy, Qyrǵyz Respýblıkasy jáne Reseı Federasııasy) 2021 jylǵy 10 shildeden bastap Reseı Federasııasynyń Memlekettik shekarasyn kesip ótken kezde "Pýteshestvýıý bez COVID-19" mobıldik qosymshasyn qoldana otyryp, COVID-19 PTR testiniń teris nátıjesin (Reseı Federasııasyna kelgenge deıin 72 saǵattan aspaǵan) rastaýy qajet.

Ol úshin aldymen "Pýteshestvýıý bez COVID-19" qosymshany júkteý kerek. Sodan keıin ótinimde kórsetilgen tizimnen eń jaqyn zerthanany tańdaý kerek. Osydan keıin PTR synaǵynan ótip, nátıjesin alǵannan keıin QR kodyn skanerleý arqyly "Testter" bólimindegi qosymshaǵa júkteý kerek (kodty zerthana beredi). Shekaradan ótken kezde shekarashylarǵa osy kodty kórsetý qajet.