Almaty taýynda joǵalyp ketken qyz aýyr halde tabyldy

Almaty taýlarynda joǵalyp ketken boıjetken tabyldy, qazir onyń jaǵdaıy aýyr, dep habarlady tótenshe jaǵdaılar departamenti.

Departament málimetinshe, joǵalǵan qyz 8 shilde kúni saǵat 10.56-da tabylǵan. 

"8 shildede saǵat 10:56-da qalalyq tótenshe jaǵdaılar departamenti jedel-qutqarý jasaǵyna, joǵalyp ketken Álııa Kamıeva tabylǵany týraly aqparat kelip tústi. Onyń jaǵdaıy aýyr dep baǵalandy, zardap shegýshi aýrýhanaǵa jatqyzyldy. Departament "Qazavıa qutqarý" tikushaǵyn uıymdastyrdy" delingen habarlamada.

Álııa Kamıeva 5 shilde kúni tańerteń Úlken almaty kóline serýendep shyǵyp, joǵalyp ketken. Onyń ózimen telefony bolmaǵan. Izdestirý-qutqarý jumystaryna jedel-qutqarý jasaǵynyń qyzmetkerleri, eki kınolog, "109" qutqarý qyzmeti jáne 75 erikti jumyldyrylǵan.