• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 02:04:41
Almaty
-5°

Fotoda Almaty qalasy polısııa departamentiniń ókili Tórehan Isın

"Dempartııa" belsendileri 6 shilde kúni Almatyda ótken mıtıngte qamalǵan 3 jaqtasynyń qaıda ustalyp otyrǵanyn anyqtaýǵa tyrysyp júr.

Keshe Balýan Sholaq atyndaǵy sport saraıynyń mańynda Demokratııalyq partııa bastamashyl toby jáne olardyń jaqtastary mıtıngke shyǵyp, 10 jarym saǵat polısııa qorshaýynda bolǵan. Beıbit jıyn barysynda belsendiler polısııa arnaıy jasaǵymen qaqtyǵysqa túsip, Abzal Dostııarov, Temirtas Naǵımýtýllaev, Danaıa Kalıeva, Yrysbek Toqtasyn esimdi belsendiler túrli dene jaraqatyn alǵan.

Artynsha Yrysbek Toqtasyn, Dáýren Dostııarov, Ýálıhan Sultanov esimdi úsh belsendini polısııa ustap alyp ketken.

Belsendiler ketlıngten bosaǵan soń túngi ýaqytta qamalǵan jaqtastaryn izdeı bastady. Bostandyq aýdandyq polısııa basqarmasy ókilderiniń aıtqandary boıynsha Qaskeleńdegi ýaqytsha qamaý ızolıatoryna barǵanynda ol jaqtaǵylar ózderine belsendilerdiń túspegenin aıtqan. Almatydaǵy Lobachevskıı kóshesinde ornalasqan ýaqytsha qamaý ızolıatoryndaǵylar da belsendilerge jaqtastarynyń túspegenin jetkizgen.

Búgin, 7 shildede belsendiler jaqtastaryn izdep Almaty qalasy polısııa departamenti ǵımaratyna bardy. Olarǵa polısııa departamentiniń ókili Tórehan Isın shyǵyp, ustalǵan 3 azamat ákimshilik jazaǵa tartylǵanyn, Dáýren Dostııarov Qarasaı aýdandyq polısııa basqarmasyna, Yrysbek Toqtasyn Eńbekshiqazaq aýdandyq polısııa basqarmasyna jetkizilgenin málim etti. Sózinshe, belsendiler Alımatydaǵy ızolıatorlarda oryn bolmaǵandyqtan Almaty oblysy aýdandaryna jetkizilgen. Polısııa ókili úshinshi azamat Ýálıhan Sultanov densaýlyq jaǵdaıyna baılanysty aýrýhanada jatqanyn málim etti.

Belsendiler jaqtastary qatty soqqyǵa jyǵylyp, polısııa olardy jaraqaty jazylsyn degen maqsatpen qamap qoıǵan bolýy múmkin dep qaýiptenedi.

Belsendiler búgin polısııa jaqtastaryn kórsetpese, olardyń amandyǵyna kóz jetkizbese, erteńnen bastap polısııa departamenti ǵımaraty aldynda ashtyq jarııalaıtynyn habarlady.

"Qamshy" silteıdi
Ilmek sózder: Dempartııa mıtıng

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir