• USD 470.06

  • EUR 466.68

  • RUB 7.91

  • CNY 66.08

06 Qazan, 15:40:11
Almaty
+16°

Nursultan Nazarbaev el astanasyn Almatydan Aqmolaǵa aýystyrýǵa sheshim qabyldanar tusta túsinde Qarasaı batyrdyń qyzyl jolbarysyn kórgenin, sol tústen keıin astanany aýystyrýǵa bel býǵanyn aıtty. Bulaı dep ol "Nur-Sultan. Qoltańba" derekti fılminde málimdedi. 

– Elordany aýystyrýǵa sheshim qabyldaǵan kezde kóbi meni túsinbedi. Ol kezde Keńes odaǵy qulap, biz jeke óz jolymyzben kettik. Zeınetaqy tóleýge qarjy joq. Muǵalimder men dárigerlerge jalaqy tóleý qıyn bolyp turǵanda astanany aýystyrý týraly sheshim qabyldanyp otyr. Sara Alpysqyzy "eldiń bári qarsy bolyp jatqanda buny qalaı jasamaqsyń?" dep surady. "Men seni aýylyńa apara jatyrmyn ǵoı, Nuranyń jaǵasyna dedim",  deıdi Nazarbaev el astanasyn aýystyrý ıdeıasy týǵan jyldar týraly. 

Ol astana aýystyrý arqyly saıası taǵdyryn báıgege tikkenin aıtty.

– Osy ýaqytqa deıin talaı táýekelge bardym ǵoı. Sol táýekelderdiń eń úlkeni –  astanany salý boldy. Biraq bári oryndaldy. Intýısııa degen bar ǵoı. Men ózim soǵan senemin. Alladan tilep jatasyń ǵoı. Sol kezde oıyńa bir sybyr keledi, osylaı durys degen, – dedi ol. 

Elbasy sheshim qabyldaý kórgen túsi yqpal etkenin de aıta ketti.

– Bir kúni túsimde anam marqum eki jolbarysty jetektep, úıge kirip keldi. Jańaǵy jatqan jolbarys basyn kóterip, “Barlyǵy durys bolady, qoryqpa, jasa…” dep qazaqsha sóılep ketti.Sol ýaqytta el astanasyn aýystyrýdy oılap, biraq naqty sheshimge kele almaı júrdim. Álgi jaǵdaı maǵan biraz kúsh-jiger berdi. Qazaq yrymshyl halyq qoı. Álgi tús maǵan aıan bergendeı kórindi, jaqsylyqqa jorydym, sodan keıin astanany aýystyrýǵa bel býdym, – dedi Nazarbaev. 

"Qamshy" silteıdi
Ilmek sózder: Nazarbaev Astana

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir