• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:11:31
Almaty

Nursultan Nazarbaev ómiriniń sońǵy jyldary ózi synaǵan kúıeýbalasy, Avstrııa túrmesinde asylǵan kúıi tabylǵan Rahat Álıev pen sheteldegi oppozısıoner Muhtar Áblıazovty joǵary laýazymǵa taǵaıyndaý qatelik bolǵanyn aıtty. Bulaı dep ol amerıkalyq rejısser Olıver Stoýn túsirgen "Qazaq: history of the golden man" atty derekti fılmde málimdedi.

– Qarjy polısııasy onyń qaramaǵynda edi. Osyny paıdalanyp, ózgelerdiń bıznesi men aqshasyn tartyp ala bastady. Bir ýaqytta oǵan: "Toqta" dep eskertý jasadym. Ol kezde meniń kúıeý balam, úsh kishkentaı nemeremniń ákesi boldy. Qyzym úsh nemerem men onyń ákesi maǵan keldi. "Men ne isteı alamyn? Ol – qylmysker" dep jaýap berdim", – dedi Nazarbaev.

Ol bul jaǵdaı ózine óte aýyr soqqanyn, qyzy Darıǵany túsinetinin jáne aıaıtynyn jetkizdi.

Al Ablıazovty mıllıardtaǵan aqsha jymqyrdy dep aıyptady.

– 1991 jyldy alyp qarasańyz, Keńes Odaǵy ydyrady, bári jalǵyz qaldy. Men qyzmettes bolǵandardyń bári burynǵy kommýnıster edi. Biraq arasynda ýnıversıtet bitirgen, naryqtyq ekonomıka, kapıtalızmnen habary barlar kezdesti. Burynǵy tájirıbesi kedergi keltirmes úshin men 30-32 jyl buryn olardy qyzmetke taǵaıyndaı bastadym. 

Jáne bul qatelik boldy. Olar memlekettiń azyn-aýlaq aqshasyn, kerisinshe, jymqyra bastady. Kóbi jemqorlyqpen ustaldy. Ablıazovty London soty halyqaralyq alaıaq dep tanyp, sottady. Men oǵan keshirim jasadym", – dedi ol.




"Qamshy" silteıdi
Ilmek sózder: Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir