BQO-da eki kólik soqtyǵysyp, 4 adam qaıtys boldy

Batys Qazaqstan oblysy Chapaev-Jańaqala-Saıhın avtojolynda jol apaty bolyp, tórt adam kóz jumdy. Bul týraly oblystyq polısııa departamenti habarlady.

Qaıǵyly oqıǵa 1 shilde kúni, saǵat 21:00 shamasynda bolǵan. Chapaev-Jańaqala-Saıhın  avtojolynda Lada Granta kóliginiń júrgizýshisi Oraldan, oǵan qarsy baǵytta VAZ-2107 avtokóligi kele jatady. Bir mezette Lada kóliginiń júrgizýshisi rýldi basqara almaı, qarsy jolaqqa shyǵyp VAZ-2107 avtokóligimen soqtyǵysqan. 

Saldarynan tórt adam, onyń ishinde jeti jasar bala qaıtys boldy. Taǵy segiz adam jaraqat aldy.

Qazir atalǵan is boıynsha qylmystyq kodekstiń 345-baby, 4-tarmaǵy boıynsha (Abaısyzda eki nemese odan da kóp adamnyń ólimine ákep soqqan, jol qozǵalysy erejelerin buzý) sotqa deıingi tergeý bastaldy. Oqıǵanyń mán-jaıy men sebepteri anyqtalyp jatyr.