• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 02:36:34
-6°

Joǵary oqý oryndarynyń jas pedagog-túlekterin ulttyq biliktilik testileýin tapsyrǵannan keıin ǵana jumysqa qabyldaý josparlanyp otyr. Bul týraly mektepke deıingi jáne orta bilim komıtetiniń tóraıymy Maıra Meldebekova málim etti.

– Mundaı jańashyldyq bilikti pedagogter balalarymyzǵa sapaly bilim berýleri úshin engizilip otyr. Bıyl oqýyn támámdaǵan joǵary oqý oryndarynyń túlekteri men osy ýaqytqa deıin mektepte jumys istemegen pedagogter Ulttyq biliktilik testileýin tapsyrýy tıis. Testileýdi tapsyryp, qajetti ball jınaǵan túlekterdi ǵana jumysqa qabyldaý josparlanyp otyr. Ulttyq biliktilik testileýinde biliktiligin dáleldegennen keıin túlekter óz kásibı daǵdylaryn mektep qabyrǵasynda kórsete alady. Bul jańashyldyq oqýyn aıaqtap, pedagog bolyp jumys isteýge nıet bildirgen tulǵalarǵa ǵana qatysty. Iаǵnı, jumys istep júrgen muǵalimderge bul talaptar qoıylmaıdy, – dedi BǴM mektepke deıingi jáne orta bilim komıtetiniń tóraıymy Maıra Meldebekova.

Qazaqstandyq joǵary oqý oryndaryna jańashyldyqtyń qajettiligi týraly túlekter arasynda aqparattyq-túsindirý jumystaryn júrgizý tapsyrylǵan. Ulttyq biliktilik testileýi bastaldy. Testileýdi tapsyrý úshin ulttyq testileý ortalyǵynyń saıtynda aldyn ala tirkelý qajet.

2020 jyldan bastap joǵary oqý oryndaryna pedagogıkalyq mamandyqtar boıynsha túsýge nıet bildirgen túlekterge qoıylatyn talaptar kúsheıtilgen. Buryn UBT-da bolashaq pedagogter úshin shekti ball 50 bolsa, endi shekti ball 75-ke deıin kóterildi. Shákirtaqy kólemi de 26 myńnan 42 myń teńgege deıin ulǵaıtyldy. Osy jyldyń qyrkúıek aıynan bastap eldegi barlyq stýdenttiń shákirtaqysy 20%-ǵa ósti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir