• USD 424.85

  • EUR 504.21

  • RUB 5.84

  • CNY 65.86

19 Qańtar, 16:21:09
+1°

Nur-Sultan ákimi Altaı Kólginov astana kúninde otshashý bolmaıtynyn málimdedi. Bul týraly ol ortalyq kommýnıkasııalar alańynda ótken qalanyń áleýmettik-ekonomıkalyq damýyna arnalǵan esep berý kezdesýinde aıtty.

– Qala kúni – qala turǵyndary úshin erekshe kún. Adamdar toılaǵysy keledi, ásirese kóbisi ony kútedi. Biraq epıdjaǵdaıǵa baılanysty biz josparlarymyzdy ózgerttik. Jyl basynda josparlar boldy, biraq qazir bas sanıtar dárigerdiń talaptaryn eskere otyryp, barlyq is-sharalar onlaın formatqa kóshýde. Al kóshede áleýmettik qashyqtyq pen sanıtarlyq talaptardy eskere otyryp júrgiziletin bolady, – dedi ákim onlaın-brıfıngte jýrnalıster suraqtaryna jaýap bere otyryp.

Onyń aıtýynsha, elorda kúnin áleýmettik baǵytta ótkizý josparlanǵan. Bul kúni kezekte turǵandarǵa 400 páter beriledi, úleskerlerge 20-ǵa jýyq kóppáterli turǵyn úı paıdalanýǵa berý josparlanýda, sondaı-aq 50-den astam abattandyrylǵan aýla paıdalanýǵa beriledi. Qala basshysy atap ótkendeı, elordada zaǵıp balalarǵa arnalǵan balabaqsha ashylady.

Sondaı-aq ol qala kúnine oraı eshqandaı otshashý josparlanbaǵanyn atap ótti. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir