• USD 465.38

  • EUR 483.58

  • RUB 7.69

  • CNY 64.95

26 Qarasha, 17:59:49
Almaty
-2°

Qazaqstanda otbasylyq turmysta jasalǵan qylmystardyń sany 37 paıyzǵa artyp, balalar sýısıdi ósken. Bul týraly ishki ister mınıstri Erlan Turǵymbaev tengrinews.kz saıtyna bergen suhbat barysynda aıtty. 

– Áıelder men balalar zorlyq-zombylyqqa ushyraǵan halyqtyń álsiz bóligine aınalyp otyr. Balalarǵa zorlyq-zombylyq kórsetetinderdiń 20 paıyzy óz ákeleri men ógeı ákeler. Qalǵan 80 paıyzy týystarynyń zorlyǵyna ushyraıdy. Qoǵamda balalar qorǵalýdyń ornyna kerisinshe zorlyq-zombylyq qurbany bolýda, – dedi mınıstr.

Turǵymbaev máseleni sheshý úshin qosymsha mamandar jumyldyrylǵanyn aıtty.

– Reforma aıasynda osy máseleni sheshý úshin birqatar laýazymdardy bekittik. Birinshi kezeńde kámeletke tolmaǵandardyń isteri jónindegi 448 ınspektordy qyzmetke aldyq. Olar qazir bekitilgen aýmaqtarda jumys istep jatyr. Sondaı-aq áıelderge zorlyq-zombylyqqa qarsy is-qımyl bólimsheleri boıynsha 129 maman bar, – dedi Erlan Turǵymbaev.

Mınıstrdiń sózinshe, áıelder kóbine kúıeýlerine aryzdanyp, ekinshi kúni aryzyn qaıtaryp alady. Oǵan kúıeýi otbasynyń jalǵyz asyraýshysy bolýy, sondyqtan "túrmede otyrǵannan góri osylaı júre bersin" dep oılaýy sebep.

– Bul árıne otbasynyń ishki máselesi. Biraq balalardy qorǵaý kerek. Ata-analardyń jaýapkershiligi bolýy kerek. О́ıtkeni balalarǵa kóbine ata-analary qorlyq kórsetedi jáne jaýapkershilikten qashýǵa tyrysatyn jaǵdaılar kóp kezdesedi, – dedi mınıstr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir