• USD 424.85

  • EUR 504.21

  • RUB 5.84

  • CNY 65.86

21 Qańtar, 18:01:58
Almaty
-2°

Eńbek ónimdiligin arttyrý jáne ekonomıka qurylymyn ózgertý úshin Almaty ákimdigi sıfrlandyrýdy, kreatıvti ındýstrııany jáne týrızmdi damytý arqyly qurylymdyq manevr júrgizýde. Bul týraly qala ákimi Baqytjan Saǵyntaev QR Prezıdenti janyndaǵy Ortalyq kommýnıkasııalar qyzmetinde ótken baspasóz konferensııasynda habarlady.

Almatyda 2025 jylǵa deıingi sıfrlandyrý strategııasy jáne qalanyń biryńǵaı IT-arhıtektýrasy, qaladaǵy barlyq IT-kompanııalardyń tizimi jasaldy. Bolashaqta Big data (úlken derekter) jáne jasandy ıntellekt arqyly qala utymdy basqarýǵa kóshedi.

Qazirdiń ózinde Almatyda kreatıvti ındýstrııada 50 myńnan astam adam (jumyspen qamtylǵandardyń jalpy sanynyń 5%) jumys isteıdi. Munda 4,3 myńnan astam kásipker men 3,6 myńnan astam kompanııa tirkelgen nemese eldiń kreatıvti bıznesiniń 53%-y Almaty qalasyna tıesili.

«Alataý» kreatıvti haby jumys jasaýda, munda kún saıyn 700 adamǵa deıin shyǵarmashylyqpen aınalysady. Bıyl dál osyndaı nysandy qalanyń Medeý aýdanynda ashý josparlanyp otyr. Jyl sońyna deıin Depo Evolution Park burynǵy tramvaı parkiniń bazasynda salynady.

Kreatıvti ındýstrııa Parki Almatydaǵy eń iri nysandardyń birine aınalady. Memleket basshysynyń tapsyrmasy boıynsha Almatynyń kreatıvti ekonomıkany damytý tájirıbesi búkil elge taraıtyn bolady.

Almatyny damytýdyń perspektıvaly baǵyttarynyń biri týrızm bolyp tabylady. Bıylǵy jyldyń birinshi toqsanynda ǵana salaǵa tartylǵan ınvestısııa kólemi 29,6 mlrd teńgeni (ósim 2,6%) qurady.

Qazirdiń ózinde myńdaǵan shaqyrym jaıaý taý soqpaqtary sıfrlandyryldy jáne uzyndyǵy 500 km deıingi soqpaq abattandyryldy. Qosymsha 172 km taý baǵyttary abattandyrylyp, 4 kempıngtik aımaq pen 3 glempıngtik aımaq qurylýda.

Bıyl Almatynyń taýly aımaqtarynda tikushaq alańyn jasaý, 2 baqylaý-qutqarý pýnktin uıymdastyrý josparlanýda ári 16 qutqarýshy táýlik boıy kezekshilik etetin bolady. Sondaı-aq, qutqarýshylar pýltine «SOS» spýtnıktik sıgnalyn berý múmkindigi bar shalǵaı ýchaskelerde 15 lashyq úı salýdy josparlap otyrmyz.

«Qazaqtelekommen» birge taýlardaǵy «kórinbeıtin» aımaqtardy uıaly baılanyspen qamtý boıynsha joba ázirlenýde. Týrısterdiń habardarlyǵyn arttyrý úshin 10 ınteraktıvti termınal ornatylady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir