• USD 468.56

  • EUR 497.56

  • RUB 7.3

  • CNY 67.18

28 Naýryz, 21:03:44
Almaty
+35°

Ulttyq ekonomıka mınıstri Áset Erǵalıev kún saıyn bir jarym saǵatyn memlekettik tildi úırenýge jumsaıtynyn aıtty. 

– Qazaq tilin úırený úshin kúndelikti bir jarym saǵat repetıtormen aınalysamyn. Jaqyn arada qazaqsha taza sóıleımin dep ýáde beremin. Ulttyq ekonomıka mınıstrliginde tıisti bólimsheniń qyzmetkeri bar, ol maǵan qazaq tilin úıretedi. Bizde kez kelgen mınıstrlikte sııaqty memlekettik organda qujat aýdarýmen aınalysatyn aýdarmashylar bar. Olardyń arasynda qazaq tilin jaqsy biletin mamandar bar. Biz birge otyramyz jáne ár esepke daıyndalamyz. Olardyń birneshe jyldar boıy jınaqtalǵan ózindik ádistemelik bazasy bar. Sol arqyly men qazaq tilin úırenemin, – dedi Á. Erǵalıev.

Buǵan deıin aqpanda úkimettegi eń jas mınıstr Áset Erǵalıev depýtat Berik Dúısenbınov memlekettik tilde qoıǵan suraǵyna memlekettik tilde jaýap bere almaı, synǵa ushyraǵan bolatyn. Mınıstr sol kezde jýyq aralyqta qazaqsha úırenýge ýáde bergen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir