Almatyda vaksına saldyrǵandar Arab ámirlikterine bara alady

Almaty qalasy Jetisý aýdanynyń ákimshiligi vaksına saldyrǵan aýdan turǵyndary arasynda utys oınyn jarııalady. Bul týraly Jetisý aýdanynyń ákimi Gúlnar Kókebaeva instagram paraqshasynda habarlady.

"Qurmetti Jetisý aýdanynyń turǵyndary men qonaqtary! Bizdiń "vaksına al – júlde al" naýqanymyz jalǵasyn tabýda! Ekpeniń birinshi komponentin saldyryp, BAÁ-de eki adamnyń demalysyna joldama utyp alý múmkindigine ıe bolyńyz! Sertıfıkatty ózińizge qolaıly ýaqytta paıdalaný múmkindigimen beriledi! Naýqan 24 maýsymda bastalyp, 11 shildege deıin jalǵasady. Jeńimpazdardy tikeleı efırde anyqtaımyz!" delingen Gúlnar Kókebaevanyń jazbasynda.

Prezıdent Q.Toqaev keshe vaksınasııa qarqyny báseńsip qalǵany týraly málimdep, Qazaqstanda úndi shtammy anyqtalǵannan keıin koronavırýstyń taralýyna jol bermeý jónindegi vedomstvoaralyq komıssııa usynysy boıynsha 20 adamnan artyq adam jumys isteıtin bar kez kelgen ujym vaksına saldyrýǵa mindetteldi. Vaksınasııadan bas tartqan jaǵdaıda 7 kún saıyn qyzmetker aqyly túrde PTR-test tapsyrýǵa tıis.