24 Maýsym, 2021 Saıasat
Foto: Reuters
Qazaqstannyń tuńǵysh prezıdenti Nursultan Nazarbaevqa Qazaqstan halqy assambleıasyn ómir boıyna basqarý quqyǵy ázirlenip jatyr, dep habarlady kaztag.kz saıty.
El úkimeti buıryq jobasyn prezıdent qaraýyna usyný týraly tıisti qaýly qabyldap úlgergen.
Qazaqstan Respýblıkasy prezıdentiniń 2011 jylǵy 7 qyrkúıektegi №149 jarlyǵymen bekitilgen "Qazaqstan halqy Assambleıasy týraly erejege" engizilgeli jatqan ózgerister men tolyqtyrýlarǵa saı, Qazaqstan Respýblıkasynyń prezıdenti" degen 5 pýnktke "Qazaqstan Respýblıkasynyń prezıdenti – Elbasyǵa assambleıany ómir boıy basqarý quqyǵy tıesili, ol odan bas tarta alady" degen 5-1 pýnt qosylmaq.
Qazaqstannyń tuńǵysh prezıdenti Nursultan Nazarbaev eldi 30 jylǵa jýyq basqaryp, 2019 jylǵy 19 naýryzda óz erkimen ókilettigin toqtatqan. Degenmen ol úlken sıaıasattan tolyq ketken joq. N.Nazarbaev búginde Qazaqstan Respýblıkasynyń Qaýipsizdik keńesine, "Nur Otan" partııasyna, "Samuryq-Qazyna" ulttyq ál-aýqat qoryn basqarý jónindegi keńeske, Nazarbaev ýnıversıteti, zııatkerlik mektebi jáne qordyń Joǵary qamqorshylyq keńesine tóraǵalyq etedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir