• USD 468.56

  • EUR 497.56

  • RUB 7.3

  • CNY 67.18

28 Naýryz, 23:32:35
Almaty
+35°

Prezıdent Q.Toqaev oblystardyń jáne respýblıkalyq mańyzy bar qalalardyń ákimderimen aýyl ákimderin saılaý máseleleri jóninde keńes ótkizdi. Jıynǵa prezıdent ákimshiligi men úkimettiń basshylyq quramy qatysty, dep habarlady Aqorda saıty.

Prezıdent aldaǵy saılaý naýqanynyń mańyzdy ekenin atap ótti.  

– Osy oqıǵany elimizdiń tarıhyndaǵy aıtýly beles dep aıtýǵa bolady. Negizi, bul biz úshin strategııalyq máni aıryqsha mindet. Azamattarymyz tuńǵysh ret jergilikti atqarýshy bıliktiń basshysyn tikeleı saılaý múmkindigine ıe bolmaq. Biz buǵan birtindep, josparly túrde keldik. Aldaǵy saılaý biz júzege asyryp jatqan saıası reformalarǵa tyń serpin beredi dep senemin. Sondaı-aq turǵyndardy el basqarý jáne sheshim qabyldaý úderisine tartýǵa jol ashady, – dedi Qasym-Jomart Toqaev.

Osy rette Qasym-Jomart Toqaev jergilikti atqarýshy bıliktiń jaýapkershiligi joǵary bolýǵa tıis ekenine basa mán berdi.

– Ákimder – bıliktiń árbir eldi mekendegi tikeleı ókili.  Jurt olardyń qyzmetine qarap búkil memlekettik basqarý júıesiniń tıimdiligin baǵalaıdy. Sondyqtan tıimdi memleket jáne ádiletti qoǵam talaptaryna saı bolý úshin aldaǵy saılaýdy durys uıymdastyrý óte mańyzdy, – dedi Qasym-Jomart Toqaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir