• USD 468.56

  • EUR 497.56

  • RUB 7.3

  • CNY 67.18

29 Naýryz, 03:45:50
Almaty
+35°

Búgin parlament májilisi jetinshi shaqyrylymynyń alǵashqy sessııa jumysy qorytyndylandy.

Májilis tóraǵasy Nurlan Nyǵmatýlın palatanyń jalpy otyrysynda osy sessııa óz jumysyn el áýelsizdigine 30 jyl tolǵan tarıhı kezeńde bastaǵanyn alǵa tartty.

– Osy sessııadaǵy jańa jáne naqty qadamdar májilistiń zań shyǵarý jumysyn odan ári kúsheıtýge jol ashty. Sonyń nátıjesinde, májilis saıası, áleýmettik, ekonomıkalyq mańyzy zor kóptegen zańdardy qabyldady. Kóptegen parlamenttik sharalar uıymdastyryldy. Bul jolda biz, Elbasy Nursultan Ábishuly Nazarbaevtyń strategııalyq bastamalaryn jáne memleket basshysy Qasym-Jomart Kemeluly Toqaevtyń alǵa qoıǵan mindetterin basshylyqqa aldyq. Onyń barlyǵy, halqymyzdyń ómir sapasyn arttyrýǵa, elimizdiń turaqty damýyn zań deńgeıinde qamtamasyz etýge yqpal etti, – dedi ol.

Nurlan Nyǵmatýlın atap ótkendeı, sessııa barysynda depýtattar ózderiniń zań shyǵarýshylyq bastamalaryn belsendi qoldanyp, 10 zań jobasyn ázirlep shyqqan. 

Osy sessııada 230-dan asa depýtattyq saýal joldanǵan. Olar ındýstrııalyq-ınnovasııalyq damý, qarjy, bilim berý, densaýlyq saqtaý, áleýmettik qorǵaý jáne aımaqtyq damý máselelerine baǵyttaldy. 

Sondaı-aq palata spıkeri sessııa aıaqtalǵanymen depýtattar óńirlerge, shalǵaıdaǵy aýyldyq jerlerge baryp saılaýshylarmen kezdesetinin aıtty. 

Májilistiń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir