Qazaqstanda dári qymbattaıdy

Qazaqstanda dári qymbattaıdy. Bul týraly básekelestikti qorǵaý jáne damytý agenttiginiń tóraǵasy Serik Jumanǵarın málimdedi, dep habarlady KTK arnasy.

Serik Jumanǵarınnyń sózinshe, endi memleket keıbir dárilerdiń baǵasyn belgileýge aralaspaıdy. Sebebi qoldanystaǵy erejeler bıznesti damytýǵa kedergi keltirýde. Sondyqtan dárilik preparattardyń qymbattaýy múmkin. Qazaqstanda memleket belgileıtin dárilik zattardyń tizimi qysqardy. Bul dárihanalardyń arasynda básekelestik qalyptastyryp, sala kásipkerlerine qoldaý kórsetý maqsatynda jasalǵan shara.

– Naryq qatań rettelgen. Patenttelmegen ataýy boıynsha ózara almasý bolǵanda memlekkettik baǵalyq retteýge jatatyn dári-dármekti qysqartý qarastyrylyp jatyr. Qazir trastqa qatysty retteý sheńberinde tek 2020 túrli aspektilermen 109 tergeý aıaqtaldy.

Endi 3700-den astam preparattyń baǵasyn dárihanalardyń ózi belgileıdi. Jyl basynda kásipkerler palatasy eldegi dárihana bıznesine qoldaý suraǵan. Memlekettiń baǵa belgileýiniń kesirinen kóptegen kásipker shyǵynǵa batty. Tipti keıbir preparattardy satýdyń tıimdiligi bolmaı, ony dárihanalardan tabý múmkin emes boldy, –  dedi Serik Jumanǵarın.