Karantın kúsheıtiledi. VAK sheshim qabyldady

Qazaqstanda karantın shekteýleri kúsheıtiledi. Tıisti sheshimdi COVID-19 taralýyna jol bermeý jónindegi vedomstvoaralyq komıssııa shyǵardy.

Búgin premer-mınıstriniń orynbasary Eraly Toǵjanovtyń tóraǵalyǵymen koronavırýs ınfeksııacynyń taralýyna jol bermeý jónindegi vedomstvoaralyq komıssııanyń (VAK) otyrysy ótti.

Nur-Sultan qalasynda "Delta" (Úndi) shtammyna tán COVID-19 mýtasııasynyń anyqtalýyna baılanysty Vedomstvoaralyq komıssııa bas sanıtar dárigeri karantın rejımi boıynsha mynadaı qosymsha sharalar qabyldaýdy usyndy:

• COVID-19-ǵa qarsy vaksınasyz (turaqty medısınalyq qarsy kórsetilimderi bar jáne aýyryp shyqqan adamdardy qospaǵanda) qyzmet kórsetý salasynyń qyzmetkerlerine iri uıymdasqan ujymdarǵa (ónerkásiptik kásiporyndar) jumysqa kirýge shekteý engizý;
  
  
• KVI-ǵa qarsy vaksına saldyrýdan bas tartatyn (KVI-ǵa qarsy vaksınalaýǵa medısınalyq qarsy kórsetilimderi joq azamattar) qyzmet kórsetý salasynyń, ónerkásip kásiporyndarynyń jáne ózge de uıymdasqan ujymdardyń qyzmetkerleri úshin mindetti PTR-testileý talabyn engizý);
  
  
• "Ashyq" jobasyna jańa kásipkerlik sýbektilerin qosý úshin, sondaı-aq joba aıasynda jumys istep turǵan sýbektilerdiń jumysyn odan ári jalǵastyrý úshin barlyq personaldy (turaqty medısınalyq qarsy kórsetilimderi bar jáne aýyryp shyqqan adamdardy qospaǵanda) vaksınalaý qajettiligi jóninde talap engizý);
• "Ashyq" jobasyna saýda oıyn-saýyq ortalyqtaryn, saýda úıleri men azyq-túliktik emes bazarlardy qosý.

Sondaı-aq Densaýlyq saqtaý mınıstrliginiń Nur-Sultan qalasy boıynsha karantın rejımin kúsheıtý jónindegi usynysy qoldaý tapty. Oǵan saı tómendegideı sharalar qabyldanady.

• Azyq-túlik emes taýarlardy satatyn saýda oıyn-saýyq ortalyqtarynyń, saýda ortalyqtarynyń, saýda jelileriniń jumys rejımin (osy obektilerde COVID-19-ǵa qarsy jappaı vaksınalaý pýnktteriniń ornalasýyna qaramastan) jumys kúnderi shekteý, saǵat 17:00-ge deıin isteýge ruhsat. Senbi jáne jeksenbi kúnderi jumys isteýge tyıym salý.
  
  
• Senbi jáne jeksenbi kúnderi jumys isteýge tyıym sala otyryp, ǵımarat ishindegi qoǵamdyq tamaqtaný obektileriniń (meıramhanalar, dámhanalar, barlar, ashanalar) jumysyna saǵat 7.00-20.00 aralyǵynda ruhsat berý, ashyq aýada saǵat 7.00-22.00 aralyǵynda jumys isteı alady ("Ashyq" jobasyna qatysatyn obektilerdi qospaǵanda");
• Jabyq azyq-túliktik emes bazarlarǵa demalys kúnderi jumys isteýge tyıym sala otyryp, jumys kúnderi qyzmetin saǵat 10.00-den 20.00-ge deıin jalǵastyrýǵa múmkindik berý (osy obektilerde COVID-19-ǵa qarsy jappaı vaksınasııalaý pýnktteriniń ornalasýyna qaramastan);
• sanıtarlyq talaptardy saqtaı otyryp, 100 adamnan assa, ashyq aýada jappaı is-sharalar ótkizýge tyıym salý (dinı, sporttyq jáne t.b.)

Sonymen qatar E. Toǵjanov ortalyq memlekettik organdarǵa, ákimdikterge shtammnyń joǵary kontagıozdylyǵyn eskere otyryp, "Delta" shtamynyń taralýynyń aldyn alý boıynsha barlyq sharalardy qabyldaýdy tapsyrdy.

Densaýlyq saqtaý mınıstrligine ákimdiktermen birlesip, osy jylǵy 28 maýsymǵa deıin rezervtik qorlardaǵy tósek qoryna, kadrlyq qamtamasyz etýge, dári-dármekterdiń jetkiliktiligine tekserý júrgizý tapsyryldy.

Premer-mınıstrdiń orynbasary halyqty koronavırýsqa qarsy vaksınamen qamtýdy ulǵaıtý qajettigin atap ótti.