22 Maýsym, 2021 NEWS
Foto: tótenshe jaǵdaılar mınıstrliginiń baspasóz qyzmeti
Túrkistan oblysynyń Tóle bı aýdanyna qarasty "Saıram-О́gem" shatqalynda joǵalǵan taǵy bir týrıstiń máıiti tabyldy, dep habarlady oblystyq tótenshe jaǵdaılar departamentiniń baspasóz qyzmeti.
Vedomstvonyń málimetine saı, 22 maýsym saǵat 11.50-de Shymkent qalasy tótenshe jaǵdaılar departamenti jedel-qutqarý jasaǵynyń qutqarýshylary máıitti Aıǵyrjyqqan jáne О́gem ózenderiniń toǵysqan jerinen eki shaqyrym joǵaryda sý túbinen tapqan.
Múrdeni tasymaldaý úshin "Qazavıaqutqarý" tikushaǵy oqıǵa ornyna bara jatqany, saraptama jasaý úshin máıit polısııaǵa tapsyrylatyny habarlandy.
"Joǵalǵan týrısterdi izdestirý jumystary 8 baǵyt boıynsha júrgizildi. Oǵan 107 adam, 17 birlik tehnıka, 3 kvadrokopter, 4 kınologııalyq esep pen 1 tikushaq jumyldyryldy" delingen habarlamada.
Eske sala keteıik, 25 mamyr kúni saǵat 18:30-da "112" pýltine Túrkistan oblysynda taýda 7 týrıstiń joǵalyp ketkeni týraly habarlama kelip túsken. 3 týrıst otbasymen aman-esen qaýyshsa, 3 adamnyń denesi tabylǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir