• USD 424.85

  • EUR 504.21

  • RUB 5.84

  • CNY 65.86

24 Qazan, 18:39:18
Almaty
+7°

Bul týraly oblys ákimi Ońdasyn Orazalın Ortalyq kommýnıkasııalar qyzmetinde ótken Aqtóbe oblysynyń bıylǵy bes aıdaǵy áleýmettik-ekonomıkalyq damýynyń qorytyndylary men aldaǵy kezeńge arnalǵan josparlary týraly baspasóz máslıhaty barysynda málimdedi.
Oblys ákimi Ońdasyn Ýrazalın memleket basshysynyń azamattardy turǵyn úımen qamtamasyz etý jónindegi tapsyrmalarynyń júzege asyrylýy jaıynda baıandady.
«Aǵymdaǵy jyldyń bes aıy ishinde oblysta 270 myń sharshy metr turǵyn úı paıdalanýǵa berildi, bul degenińiz 1100-den astam páter. Jyl sońyna deıin keminde 1 mln sharshy metr turǵyn úıdi - 7 200-den astam páterdi paıdalanýǵa berýdi josparlap otyrmyz. Osy jyly halyqtyń áleýmettik osal toptaryn baspanamen qamtamasyz etýge 5,6 mıllıard teńgeden astam qarajat bólindi », - dep habarlady oblys ákimi.
Sonymen qatar, «Nurly jer» memlekettik baǵdarlamasy aıasynda 824 shaqyrymdyq ınjenerlik-kommýnıkasııalyq ınfraqurylymdy, ıaǵnı gaz, sý, elektr jáne káriz jelilerin salýǵa 11,1 mlrd. teńge bólinedi.
Sonymen birge óńirde úılerdi jańartý jumystary júrgizilýde - jyl sońyna deıin 28 jobany iske asyrýǵa 1 mlrd. teńge bólindi.
Sondaı-aq, turǵyn úıdi jańǵyrtý jumystary  demeýshilik qarajatpen de júzege asyrylýda. Atap aıtqanda, aǵymdaǵy jyly Aqtóbe oblysynyń ákimdigi men ERG korporasııasy arasyndaǵy ózara yntymaqtastyq týraly memorandým aıasynda jalpy somasy 540 mln.teńgege 32 úıge kúrdeli jóndeý jumystary júrgizilip jatyr. Orazalın
«Mańyzdy máselelerdiń biri bolyp árqashan áleýmettik nysandardyń qurylysy qala beredi. Halyqty sapaly medısınalyq qyzmettermen tolyqtaı qamtamasyz etý úshin aǵymdaǵy jyly jalpy quny 900 mıllıon teńgeden asatyn 8 densaýlyq saqtaý nysanyn salý josparlanǵan. Úsh aýysymdy jáne apatty mektepter máselesin sheshý úshin 4800 balaǵa arnalǵan 15 bilim berý nysany salynyp jatyr, onyń ishinde 10 nysandy jyl sońyna deıin paıdalanýǵa berý josparlanǵan. Nátıjesinde bes úsh aýysymdy, alty jetispeıtin, bir apatty jáne úsh eski mekteptiń máselesi sheshiledi », - dedi spıker.
Sondaı-aq, oblysta sport nysandarynyń qurylysy da jalǵasýda. Jyl basynan beri rollerlik shańǵy trassasy, trıatlon parki jáne eki sporttyq-saýyqtyrý ortalyǵy paıdalanýǵa berildi. Jyl sońyna deıin oblystyń taǵy úsh  aýdanynda sporttyq-saýyqtyrý keshenderin paıdalanýǵa josparlanýda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir