• USD 468.56

  • EUR 497.56

  • RUB 7.3

  • CNY 67.18

28 Naýryz, 13:57:23
Almaty
+35°

Foto: Aqtóbe oblysy ákimdiginiń baspasóz qyzmeti

Búgin OKQ-de Aqtóbe oblysynyń 2021 jyldyń bes aıy ishindegi áleýmettik-ekonomıkalyq damýynyń qorytyndysy týraly baspasóz máslıhaty ótti.
Oblys ákimi Ońdasyn Orazalın Prezıdenttiń ekonomıkalyq ósimdi qamtamasyz etý jáne halyqtyń ál-aýqatyn jaqsartý boıynsha tapsyrmalarynyń júzege asyrylýy jaıynda baıandady.
Onyń sózinshe, jyl basynan beri ekonomıka ósiminiń qarqyny kezeń-kezeńimen qalpyna keltirilip jatqany baıqalady. Aǵymdaǵy jyldyń bes aıynyń qorytyndysy boıynsha barlyq negizgi áleýmettik-ekonomıkalyq kórsetkishterdiń oń dınamıkasy qamtamasyz etilgen. Atap aıtqanda, ónerkásip óndirisiniń kólemi joǵary qarqynmen ósti - 108,1%, sonyń ishinde óńdeý ónerkásibi – 112,1%, taý-ken ónerkásibi – 105,9%. Aýyl sharýashylyǵy ósiminiń qarqyny - 102,1%, qurylys – 101,3%, turǵyn úıdi paıdalanýǵa berý – 106,5%, ınvestısııa – 109,6% qurady. aqtóbe
"Mańyzdy ınvestısııalardy tartý osyndaı qıyn kezeńde bizdiń óńirdiń damýyna qosymsha serpin beredi. Osy baǵytta qolaıly ınvestısııalyq jaǵdaı jasaýdyń belsendi jumystary júrgizilýde. Jalpy, 2021 jyldyń bes aıy ishinde 206 mlrd teńge ınvestısııa tartyldy. Jyl sońyna deıin Energetıka, munaı óńdeý, azyq-túlik ónerkásibi, sıfrlandyrý jáne t.b. salalaryndaǵy quny 126 mlrd.​ teńge turatyn
31 ınvestısııalyq jobany myńdaǵan jumys oryndaryn qura otyra engizý josparlanyp otyr",- dedi O.Orazalın.
Anaǵurlym irileý ınvestısııalyq jobalardyń qatarynda quny 36 mlrd teńge turatyn «Arm Wind» JShS jel elektr stansasy, quny 15 mlrd. teńge turatyn «EkoTehProgress» JShS-niń zııandy munaı qaldyqtardy qaıta óńdeý, quny 13,8 mlrd. teńge turatyn málimetterdi óńdeýortalyǵy jáne t.b. bar.
Aýyl sharýashylyǵy da Aqtóbe oblysy ekonomıkasynyń mańyzdy salasy bolyp tabylady. Osy jyldyń bes aıy ishinde óńirde​ 85 mlrd.​ teńgege aýyl sharýashylyǵy ónimi óndirildi, ótken jyldyń osyndaı kezeńimen salystyrǵanda iri qara mal basy 7%, usaq mal 1%, jylqy 24% ósti. aqtóbe
"О́ńirdiń bul baǵytta áleýeti úlken. Keleshekte aýyl sharýashylyǵy salasy oblystyń ekonomıkalyq ósiminiń negizgi draıverine aınalady. Bıyl aýyl sharýashylyǵyn memlekettik qoldaý maqsatynda respýblıkalyq jáne jergilikti bıýdjetten shamamen 22,6 mlrd teńgedeı sýbsıdııa bólindi. Buǵan qosa, "Eńbek" baǵdarlamasy boıynsha 745 jobany júzege asyrý úshin 3,3 mlrd teńge qarastyrylǵan",- dedi O.Orazalın.
Shaǵyn jáne orta bıznes salasynda da damýdyń oń dınamıkasy baıqalady. ShOB-tiń ekonomıkadaǵy úlesi búginde shamamen 24% quraıdy, jumys istep jatqan sýbektilerdiń sany bes aıdyń qorytyndysy boıynsha ótken jylmen salystyrǵanda 63 myńdy qurap, 5,1% ósken.
"Jyl qorytyndysy boıynsha ShOB-tiń ekonomıkadaǵy úlesin 25%-ǵa deıin kóbeıtýdi josparlap otyrmyz. Bızneske kórsetilip jatqan memlekettik qoldaýdy da atap ótpeske bolmaıdy. Búginde melekettik qoldaýdyń qoldanystaǵy mehanızmderi ShOB-tiń 1200-den astam jobasyn qamtydy, bul ótken jyldyń osyndaı kezeńimen salystyrǵanda 8 ese kóbirek",- dedi oblys ákimi.
Onyń sózinshe jyl sońyna deıin 3,3 myń ShOB sýbektisin memlekettik qoldaý sharalarymen qamtý josparda bar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir