Foto: Ashyq derekkóz
Premer-mınıstr orynbasary Eraly Toǵjanov Nur-Sultan qalasynda "úndi" shtammynyń anyqtalýyna baılanysty karantın sharalary kúsheıtiletinin eskertti.
– Elde epıdemıologııalyq jaǵdaı turaqty. Koronavırýspen aýrý deńgeıi 1,7 esege tómendedi. Koronavırýs ınfeksııasynyń jańa shtammdary jedel taralýda. Nur-Sultanda júrgizilgen skrınıngtiń aldyn ala nátıjesi vırýstyń mýtasııasyn anyqtady, ol "delta" shtamyna tán ekenin kórsetip otyr. Osyǵan baılanysty óńir ákimderinen epıdemıologııalyq ahýaldy baqylaýdy kúsheıtýdi suraımyz. Bosańsýǵa eshqandaı negiz joq, – dedi ol.
Onyń aıtýynsha, búgin koronavırýstyń taralýyn tejeý jónindegi vedomstvoaralyq komıssııanyń otyrysy ótkizilip, óńirlerde, onyń ishinde eń aldymen Nur-Sultanda epıdemıologııalyq talaptardy kúsheıtý jónindegi is-sharalar qabyldanady.
– Barlyq ákimder adamdar kóptep jınalatyn oryndarda, ásirese demalys oryndarynda sanıtarlyq talaptardyń, áleýmettik qashyqtyqtyń, maska rejıminiń qatań saqtalýyna basa nazar aýdarýǵa tıis.
О́ńirlerde monıtorıng toptardyń jumysyn kúsheıtý qajet, qoǵamdyq oryndarda adamdardy Ashyq qosymshasymen tekserý talabyn kúsheıtý kerek.
Tórtinshiden, halyqty vaksınalaý qarqynyn ulǵaıtý qajet. Bul kúndelikti aýdan, qala, aýyl ákimderiniń jeke baqylaýynda bolýy tıis. Vaksına alyp úlgermegen azamattardy tez arada vaksına alýǵa shaqyrý kerek, – dedi Toǵjanov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir