• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 02:49:24
Almaty
-6°

Premer-mınıstr Asqar Mamın úkimet otyrysynda Nur-Sultanda koronavırýstyń úndilik "Delta" shtammyna tán mýtasııanyń yqtımaldyǵy anyqtalǵanyn málimdedi. 

Úkimet basshysy Nur-Sultan qalasy áli de "qyzyl" aımaqta ekenin jáne vırýs juqtyrǵandar sany azaımaı turǵanyn aıtyp, densaýlyq saqtaý mınıstrligine naqty sharalardy qabyldaý qajettigin tapsyrdy. 

– Elordada koronavırýstyń "Delta" shtammyna tán mýtasııanyń yqtımaldyǵy anyqtalyp otyr. Onyń taralý jyldamdyǵy óte joǵary, jyldam órshıdi jáne saldary anaǵurlym aýyr. Osy rette búgin Vedomstvoaralyq komıssııanyń otyrysyn ótkizýdi jáne Nur-Sultan qalasynda sanıtarlyq-epıdemıologııalyq talaptardy qatańdatý boıynsha sharalardy qabyldaýdy tapsyramyn, – dedi Mamın. 

Densaýlyq saqtaý mınıstri Alekseı Soıdyń aıtýynsha, "úndi" shtammy ózge shtammdarǵa qaraǵanda tez juǵady jáne ınkýbasııalyq kezeńi qysqa, 7 kúnge deıin sozylady.

– "Delta” koronavırýs shtammy joǵary juqpaly jáne anyqtalǵan shtamdarǵa qaraǵanda 60% juqpalyraq, 7 kúnge deıin qysqa ınkýbasııalyq kezeńmen sıpattalady. Sońǵy zertteýler kórsetkendeı “úndi” koronavırýs shtammy aýrýhanaǵa jatqyzý jáne ólim jaǵdaılarynyń joǵary yqtımaldyǵymen baılanysty. Indetke shaldyqqandarda jańa sımptomdar baıqalýda: býyndar men ishtiń aýyrýy, tipti estý qabiletiniń nasharlaý qaýpi bar, – dedi A. Soı. 

Sonymen qatar Alekseı Soı "úndi" shtammynyń taralýy, aýrýdyń saldary men belgileri týraly qolda bar málimetterdi eskerip, óńirlerge dári-dármektiń jetkilikti qoryn, jasandy tynys alý apparattaryn, jeke qorǵanysh quraldaryn, tósek-oryndardy, sondaı-aq jedel járdem men mobıldi brıgadalardyń daıyndyǵyn qamtamasyz etýdi tapsyrdy. 






 

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir