Parlament májilisiniń eks-depýtaty qaıtys boldy

Parlament májilisiniń eks-depýtaty Taras Hıtýov dúnıeden ótti. Bul týraly YEDILOV ONLINE Telegram kanaly habarlady.

"QazMunaıGaz Ulttyq kompanııasy" ombýdsmeni Taras Hıtýov 57 jasynda qaıtys boldy. Otbasy men dostaryna qaıǵyrap kóńil aıtamyz" delingen habarlamada.

Taras Hıtýov 1964 jylǵy 4 aqpanda Mańǵystaý oblysynyń Fort-Shevchenko qalasynda dúnıege kelgen. Lenın atyndaǵy Qazaq polıtehnıkalyq ınstıtýtyn ınjener-mehanık mamandyǵy boıynsha bitirgen.

Eńbek jolyn 1986 jyly Mańǵystaý oblysynyń Aqtaý qalasyndaǵy plastmassa zaýytynyń apparatýra jabdyǵyn jóndeıtin slesary bolyp bastaǵan.

1988-1990 jyldary Mańǵystaý oblysynyń Aqtaý qalasyndaǵy plastmassa zaýytynyń aýysym sheberi, tehnıkalyq qadaǵalaý bóliminiń jetekshi ınjeneri bolǵan.

1990-1991 jyldary "Aqjol" JShS tehnology, 1991-1993 jyldary "Mańǵystaý" bıznes-ortalyǵynyń menedjeri, 2000-2001 jyldary Pavlodar munaı-hımııa zaýytynyń seh bastyǵynyń orynbasary qyzmetterin atqarǵan.

2016 jylǵy 24 naýryzdan 2020 jylǵy jeltoqsanǵa deıin VI shaqyrylymdaǵy májilis depýtaty bolǵan. Sońǵy qyzmeti "QazMunaıGaz" Ulttyq kompanııasy" ombýdsmeni.