• USD 424.44

  • EUR 504.91

  • RUB 5.81

  • CNY 65.72

02 Tamyz, 11:24:46
+27°

Bilim jáne ǵylym mınıstr Ashat Aımaǵambetov pandemııa kezinde qashyqtan oqýda bilim sapasynyń kórsetkishi qalaı bolǵanyn jáne aldaǵy oqý jyly qandaı formatta bolatynyn aıtty. Bul týraly ol Astana TV arnasyna bergen suhbatynda málimdedi.

– Barlyq memleketter pandemııaǵa baılanysty bilim berý sapasynyń tómendegeni boıynsha aqparattaryn berdi. Bizde dástúrli formatta, muǵalimniń janynda bolyp, mektepke baryp, mektep qabyrǵasynda oqyǵan bilimniń sapasy men qashyqtan oqyǵan bilimniń sapasynda biraz alshaqtyq bolady.

Keıbir jaǵdaılarda óz-ózin uıymdastyra biletin, jaqsy oqyp júrgen balalardyń bilim kórsetkishi jaman emes, al keıbireýlerinde kerisinshe. Biraq bul balalarǵa úlken qıyndyqtar alyp keldi. Sonyń arqasynda búginde bilim berý sapasy boıynsha alshaqtyq paıda boldy. Sondyqtan ony jasyryp, eshteńe bolmaǵandaı júrmeýimiz kerek. Biz 1 jyl boıy monıtorıng júrgizip, qarap otyrdyq. Iаǵnı qaı pánder jáne taqyryptar boıynsha degen syndy monıtorıng arqasynda dıagnostıka júrgizdik. Sonyń arqasynda naqty alshaqtyqty joıý boıynsha baǵdarlama bekitilip, qazir iske asyrylýda, – dedi ol.

Mınıstr epıdemıologııalyq ahýal turaqtansa aldaǵy oqý jyly dástúrli formatta bolatynyn aıtty.

– Kelesi jylǵy oqý formaty epıdemıologııalyq ahýalǵa baılanysty. Qazir vaksınasııa máselesin qarap otyrmyz. Jalpy bizde aýrý deńgeıi kúrt tómendep jatyr. Sonyń arqasynda kelesi oqý jylyn dástúrli formatta ashýǵa barlyq múmkindik bar dep oılaımyn, – dedi Aımaǵambetov. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir