• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 12:55:53
Almaty

Qoǵam suranysy ózgerip, jańaryp otyrǵan saıyn saıası ınstıtýttar da soǵan beıimdelip, jumys isteý tártibin jańǵyrtyp otyrǵanda ǵana onyń ómirsheńdigi, buqara senimine ıe bolý múmkindigi arta túsetini ámbege aıan. Osy údeden shyǵý jolyndaǵy Nur Otan partııasynyń áreketteri kópshilikke belgili. Solardyń birqatary tómendegi materıalda usynylady.

 «Birgemiz» aksııasy

Pandemııa bastalǵaly Nur Otan partııasyna qarasty «Birgemiz qory» 650 myńnan astam otbasyǵa 50 myń teńge kóleminde qarjylyq qoldaý bildirdi. Járdemalýshylar 7 sanatqa belgilengen. Olardyń qataryna muqtaj múgedek jandar, halyqtyń áleýmettik álsiz tobyna jatatyn jetim balalar (asyraýshysynyń birinen aıyrylǵan balalar men tul jetim balalar) áleýmettik jaǵdaıy tómen kópbalaly otbasylar, eń tómengi zeınetaqy alatyn zeınetkerler ekinshi dúnıejúzilik soǵysyna qatysqan múgedek ardagerler men tyl eńbekkeleri engen.

Qor tarapynan kómektiń shynaıy muqtaj adamdarǵa jetýi, ásirese buryn kómek almaǵan azamattar alýy qatań qadaǵalandy. Al muqtaj jandar tizimin ákimdik usyndy.

Budan bólek qor 320 myńǵa jýyq otbasyǵa birinshi kezekte qajetti taýarlar men azyq-túlik sebetteri úlestirildi. 100 myń otbasyǵa 5 mıllıon medısınalyq maska tegin taratyldy.

 

Sondaı-aq qor tarapynan Túrkistan oblysy Maqataral aýdanyndaǵy sý apatynan zardap shekken aýyldaǵy otbasylarǵa da kómek kórsetildi. Partııa tóraǵasy Elbasy tapsyrmasymen Dostyq aýylynyń turǵyndaryna 340 mıllıon teńge bólindi Budan bólek memleket basshysy Qasym-Jomart Toqaevtyń úndeýi negizinde maqtaraldyq turǵyndarǵa 1000 tonnadan astam gýmanıtarlyq kómek kórsetildi.gen. Onyń ishinde qurylys materıaldary men tósek oryn jabdyqtary, kıim-keshek pen gıgıenalyq zattar jáne azyq-túlik bar. Jáne, sý basqan ońtústik óńirde 500-ge jýyq jas otandyq jastar azyq-túlik jetkizýge jáne bógetter kóterýge qol ushyn sozǵan bolatyn.

 

Praımerız – jańarý men jańǵyrý joly

Bılik partııasy júzege asyrylǵan iri ister týraly aıtqanda aldyńǵylardyń biri bolyp partııanyń transformasııaǵa túskeni oıǵa oralady. 2020 jylǵy 17 tamyzy men 17 qarasha aralyǵynda alǵash ret respýblıkalyq partııaishilik saılaý formatynda praımerız ótti.

 

Oǵan 10 myń úmitker qatysyp, olarǵa birinshi kezeńde 662 myńnan asa adam, ıaǵnı barsha nurotandyqtardyń 84%-y daýys berdi. Sondaı-aq qatysýshy ár úmitkerdiń jaqtastary men baqylaýshaly bolǵanyn eskergende is-shara 1,5 mıllıondaı qazaqstandyqty qamtydy.

 

«Nur Otan» partııasy tóraǵasynyń birinshi orynbasary Baýyrjan Baıbek aıtqanynda, partııaishilik irikteý el ishindegi belsendi de talantty jandardyń ózderin kórsetip, ıdeıalaryn tanystyrýyna, jańa jaqtastar men dostar tabýyna jol ashty.

Is-shara qorytyndysy boıynsha 267 úmitkerdiń ishinen jasyryn reıtıngtik elektrondy daýys berý arqyly 78 adam saılandy. Onyń ishinde 9 kandıdat – praımerızge qatysý úshin qatarymyzǵa qosylǵan partııanyń jańa músheleri. Partııalyq tizimge májilistiń qyzmettegi depýtattarynan 5 adam endi.

 

Partııalyq tizimniń úshten birine jýyǵyn áıelder qurasa, al 12 kandıdat – 35 jasqa deıingi jastar. Jeńimpazdardyń ortasha jasy – 47 jas. Olardyń 27%-y – shaǵyn jáne orta bıznes ókilderi, 24,5%-y – ekonomıster, 11,5%-y – zańgerler, al 6 kandıdattyń ǵylymı dárejesi bar. О́nerkásip, memlekettik basqarý, bilim, densaýlyq saqtaý, sondaı-aq úkimettik emes sektordyń ókilderi basymdyqqa ıe boldy.

 

Saılaýaldy baǵdarlamanyń iske asýy

2021 jylǵy 10 qańtarda ótken parlament saılaýynyń qorytyndysyna saı, bılik partııasy saılaýshylar daýsynyń 71,1%-yn ıelenip, májilisten 76 oryn alǵan bolatyn.

Partııa saılaýaldy baǵdarlamany jasaý barysynda árbir aýdan, qala jáne óńir turǵyndarymen kezdesip, 216 baǵdarlamany qabyldaǵan. Bul baǵdarlamalardy iske asyrý boıynsha ár jylǵa naqty kórsetkishteri bar Jol kartalary ázirlendi. Bıyldyń ózinde Nur-Sultan, Almaty jáne Shymkent qalalarynyń turǵyndary úshin ne isteletini málim boldy.

Partııa lıderi Nursultan Nazarbaevtyń tapsyrmasy aıasynda árbir óńirde, qala men aýdanda júıeli baqylaýdy qamtamasyz etý úshin naqty nysanaly ındıkatorlar men merzimder belgilenip, sondaı-aq oǵan jaýapty oryndaýshylar aıqyndalǵan.

 

Máselen, elordada 2025 jylǵa deıin 14 kórsetkish pen 93 is-sharany oryndaý josparlanǵan. 2021 jyly «Nur Otan» partııasynyń saılaýaldy baǵdarlamasy 25%-ǵa, 2022 jyly – 45%-ǵa, 2023 jyly – 65%-ǵa, 2024 jyly – 72%-ǵa jáne 2025 jyly 100%-ǵa iske asyrylady.

 

Bıyldyń ózinde 131 km qala joldarynyń 34 kılometri, 130 km sýmen jabdyqtaý jelisiniń 17,7 kılometri, 85 km sý burý jelisiniń 11,5 kılometri, sondaı-aq, 438 km gazben jabdyqtaý jelisiniń 144 kılometri salynyp, rekonstrýksııalanady.

5 jyl ishinde 3,5 mln sharshy metr turǵyn úı, 41 medısınalyq nysan, 50 mektep salynyp, 138 myń jańa jumys orny ashylady. 16 turǵyn úı alabynda 500 aýlany abattandyrý, 50 jańa saıabaq pen gúlzar salynbaq.

Almatyda 715 kórsetkish jáne 59 is-shara josparlanǵan. 2021 jyly saılaýaldy baǵdarlama 26,2%-ǵa, 2022 jyly – 48,4%-ǵa, 2023 jyly – 66,6%-ǵa, 2024 jyly –83,9%-ǵa jáne 2025 jyly tolyǵymen iske asyrylady.

Jyl sońyna deıin 19 medısınalyq nysannyń 13-i, 15 mekteptiń 8-i, 339 balabaqshanyń 69-y, sondaı-aq, 104 sport nysany salynady. Jalpy, 243 myńǵa jýyq jumys ornyn qurý, 114 iri ınvestısııalyq jobany iske qosý, erekshe qajettilikteri bar adamdar úshin 1,2 myńnan astam nysandy beıimdeý josparlanǵan.

Shymkentte bekitilgen Jol kartasy aıasynda 423 kórsetkish pen 529 is-shara belgilengen. 2021 jyly partııa baǵdarlamasy 24,5%-ǵa, 2022 jyly – 45,6%-ǵa, 2023 jyly – 64,9%-ǵa, 2024 jyly – 82,7%-ǵa jáne 2025 jyly 100%-ǵa iske asyrylady.

2021 jyly 72 mekteptiń 12-si, 24 medısınalyq nysannyń 2-eýi salynady. 878 km joldyń 253 kılometri, 1419 km sýmen jabdyqtaý jelisiniń 761 kılometri salynyp, jóndeledi.

Halyqty turǵyn úımen qamtamasyz etý máselesine erekshe nazar aýdarylady. 5 jyl ishinde 47 myń páter salý josparlanǵan. 2025 jylǵa deıin 80 myńnan astam jumys orny ashylady.

 

Búginde partııa qabyldanǵan baǵdarlamardy, ıaǵnı saılaýǵa deıin berilgen ýádelerdi oryndaýdy bastap ketti. Saılaýaldy baǵdarlamany iske asyrý jónindegi jol kartasy aıasynda bıyl elde 17 mln sharshy metr turǵyn úı salý josparlansa, onyń 2,5 mıllıony halyqtyń áleýmettik osal toptaryna arnalǵan. 2021 jyldyń tórt aıynda 3,5 mln sharshy metr turǵyn úı nemese 28,9 myń páter paıdalanýǵa berildi.

 

Alaıda baspanaǵa muqtaj adamdar sany kún saıyn ósýde. Búginde turǵyn úı kezeginde 562 myń otbasy tur, onyń 185 myńynyń tabysy otbasynyń bir múshesine shaqqanda eń tómengi kúnkóris deńgeıinen tómen.

Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaevtyń aıtýynsha, olardy turǵyn úımen jedel qamtamasyz etý úshin jeke turǵyn úı qoryndaǵy jaldaý aqysynyń bir bóligin Nur-sultan jáne Almaty qalalary úshin 31 AEK, ózge óńirler úshin 21 AEK jáne aýyldyq jerler úshin 15 AEK mólsherinde sýbsıdııalaý usynylady. Sonymen qatar, vıse-mınıstr az qamtylǵan otbasylarǵa arnalǵan baspana qurylysyna jańa kózqaras týraly aıtyp berdi.

 

– Áleýmettik osal otbasylar úshin turǵyn úıdi paıdalanýǵa berý kólemi jylyna shamamen 10 myń páterdi quraıdy, mundaı jaǵdaıda problema tek 20 jylǵa jýyq ýaqyttan keıin ǵana sheshiledi. Sondyqtan qarajatty ákimdikter salatyn úılerdiń qurylysyna emes, jeke ınvestısııalardy tartý úshin kommersııalyq kompanııalardy sýbsıdııalaýǵa baǵyttady. Jyl saıyn 37 myń páter tapsyramyz jáne 5 jyl ishinde barlyq az qamtylǵan otbasylardy turǵyn úımen qamtamasyz etýge tyrysamyz, – dedi Qaıyrbek О́skenbaev «Nur Otan» partııasy janyndaǵy Jumyspen qamtýdy jáne halyqtyń áleýmettik osal toptaryn qoldaý jónindegi jańa respýblıkalyq qoǵamdyq keńestiń birinshi uıymdastyrýshylyq otyrysynda.

 

Taǵy bir mańyzdy másele – erekshe qajettilikteri bar adamdarǵa baspana berý. Bul baǵyttaǵy pármendi tetikterdiń biri ıpotekalyq nesıe berý.

«Otbasy banki» basqarma tóraıymy Lázzat Ibragımovanyń aıtýynsha, 2 myńǵa jýyq múgedektigi bar tulǵalar men múgedek balalardy tárbıelep otyrǵan otbasylardyń bankte 19,6 mlrd teńge somasynda nesıeleri bar. Mundaı otbasylardyń jalpy somasy 3,7 mlrd teńgeni quraıtyn 10 myńǵa jýyq depozıti bar.

– «Baqytty otbasy» baǵdarlamasy aıasynda múgedek balalardy tárbıelep otyrǵan otbasylarǵa 13,8 mlrd teńge somasynda 1,3 myń zaım berildi. Bıyl osy baǵdarlama boıynsha halyqtyń áleýmettik osal toptary 27 myńnan astam ótinish joldady. Jartysynan kóbi «tolyq emes otbasy» sanatyna jatady, – dedi Lázzat Ibragımova.

Osy otyrysta «Nur Otan» partııasy atynan keńes músheleri «Turǵyn úı qatynastary týraly» zańǵa birqatar ózgerister men tolyqtyrýlar engizýdi usyndy. Olar múgedek bala 18 jasqa tolǵan kezde onyń turǵyn úı alý kezeginiń saqtalýy qajettigin atap ótip, áleýmettik osal sanattar úshin turǵyn úı qurylysynyń kólemin ulǵaıtýdy, «Nurly jer» memlekettik baǵdarlamasynda kózdelgen eń tómengi kúnkóris deńgeıiniń shegin kóterýdi aıtty. Sondaı-aq áleýmettik osal otbasylarǵa satyp alý quqyǵynsyz buryn jalǵa berilgen turǵyn úıdi olardyń jekeshelendirip alýyna múmkindik berilýi kerektigine nazar aýdardy.

Qamshy.kz

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir