• USD 424.85

  • EUR 504.21

  • RUB 5.84

  • CNY 65.86

24 Qańtar, 13:38:43
Almaty
-2°

Batys Qazaqstan, Oral qalasynda joǵary synyptardyń 700 oqýshysy jumysqa ornalastyryldy. Olarǵa aıyna 42 500 teńge tólenedi dep habarlady Moı gorod saıty. 

Oral qalalyq bilim bólimi tárbıe jumysy jáne qosymsha bilim berý sektorynyń meńgerýshisi Jazıra Rysqazıeva jalpy bilim beretin mektepterdiń joǵary synyp oqýshylary jazǵy demalysta qoǵamdyq jumystarǵa qatysa alatynyn aıtty. Sózinshe, 10 men 11 synyptarǵa kóshken balalar jaz aılarynda mektepte jumys istep, aqsha tabýyna múmkindik bar.

Búgingi tańda tizim jasalyp, oǵan 700 oqýshy engen. Oqýshylar negizinen mektep aýmaǵyn jınaýǵa, is qaǵazdarǵa kómektesedi, kitaphanada jumys isteıdi. Aýyr jumysqa jegilmeıdi.

Jazıra Rysqazıevanyń aıtýynsha 14 pen 16 jasqa deıingi balalardyń jumysy aptasyna 24 saǵattan, al 16 men 18 jasqa deıingi oqýshylarda 36 saǵattan aspaýy kerek. Oqýshylarǵa aıyna 42 500 teńge jalaqy tólenedi. Mektep oqýshysy bilim berý uıymyna tek "Jumyspen qamtý ortalyǵy" arqyly kelisimshart boıynsha jumysqa turady. Jumys ýaqyty kezinde balaǵa mektep jaýapty bolady. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir