Aralda tótenshe jaǵdaı jarııalanady

Qyzylorda oblysy Aral aýdanynda qatty ystyq pen jaýyn-shashyn mólsheriniń az bolýy sebepti ornaǵan qýańshylyq jaǵdaıǵa baınalysty óńirde tótenshe jaǵdaı rejımin jarııalaý josparlanyp otyr.

Resmı málimetter boıynsha búginde Aralda 500-den astam mal qyrylǵan.

– Qyzylorda oblysynyń ákimi Gúlshara Ábdihalyqovanyń tapsyrmasyna sáıkes, qazirgi tańda Aral aýdanynda tótenshe jaǵdaı jarııalaýǵa baılanysty qujattar daıyndalyp jatyr. Osy rejımniń engizilýin negizdeý úshin qajet keıbir zertteýlerdi aıaqtaý ǵana qaldy, –  dedi Aral aýdany ákiminiń orynbasary Erkin Ábishev.

Ábishevtyń aıtýynsha, mamandar shóptiń bıylǵy shyǵymdylyǵyna baılanysty aýdandy shartty túrde úsh sanatqa bólgen. Olar qyzyl, jasyl jáne sary.

Qyzyl aımaqqa 13 eldimeken engen. О́ıtkeni jaıylymdyq jerleri 90 paıyzǵa qurǵap ketken.

Al sary aımaqtaǵy eldi mekenderde 30-40 paıyzdy quraıtyn shóp bar.

Jasyl túspen belgilengen eldi mekenderde shóptiń shyǵymdylyǵy jaqsy.

Gúlshara Ábdiqalyqovanyń tikeleı nusqaýy boıynsha búginde óńirge 51880 jońyshqa jáne 2000 qap jem jetkizilgen.

Buǵan deıin Edil Jańbyrshın bastaǵan bir top nurotandyq depýtattar ózenderdiń tartylýy, jaýyn-shashynnyń normadan az túsýi Atyraý, Aqtóbe, Qyzylorda, Mańǵystaý jáne Túrkistan oblystarynyń halqyna qıyn týyp jatqanyn aıtyp, úkimetti shuǵyl shara qabyldaýǵa, qajet bolsa, tótenshe jaǵdaı jarııalaýǵa shaqyrǵan bolatyn.