• USD 468.56

  • EUR 497.56

  • RUB 7.3

  • CNY 67.18

29 Naýryz, 17:59:59
Almaty
+35°

On jyl buryn Kanadanyń Vankýver qalasyndaǵy sherý kezinde fotograf Rıchard Lam túsirgen foto álemge áıgili bolǵan.

10 jyl buryn Stenlı kýbogynyń fınalyndaǵy 7-oıynda Vankýver Kenaks quramasy Boston Brıýınzge ese jibergennen keıin qala kóshelerinde sherý jasaǵan jáne búlik shyǵarǵan adamdardyń myńdaǵan fotosýretteri jarııalandy. Sol túni túsirilgen myńdaǵan fotolardyń bireýi basqa fotolarǵa qaraǵanda óte tanymal boldy. Ol sherý kezinde súıisip jerde jatqan juptyń fotosy edi. Ǵashyqtardyń aınalasynda sarbazdar men tártip saqshylarymen turǵan.

Foto búkil álemge tez tarap, gazetter men veb-saıttardyń bas betterinde jarııalandy, jetekshi televızııalyq jańalyqtardyń basty taqyrybyna aınaldy.

Tártipsizdik kezinde súıisip jatqan jup, avstralııalyq Skott Djons pen kanadalyq Aleks Tomas áli kúnge deıin birge. Avstralııadaǵy Pert qalasynda birge baqytty ǵumyr keship, bala tárbıelep otyr.

Sol túnde olar Vankýver ortalyǵynda dostarynyń úıinde oıyn tamashalap, tártipsizdikter bolǵan kezde úıge qaıtyp bara jatqan.

Úıge qaıtý kezinde olar Vankýverdiń bir top tártip saqshysynyń tobyna tap bolǵan. Polısııa olardy teýip, jerge jyqqan.

– Bul óte shıelenisti jaǵdaı boldy. Bizdi polısııa tepti, olar bizdi uryp jatty. Biraq men foto týraly shynymen de oılaǵan emespin, ony tynyshtandyrý úshin súıdim, – deıdi Djons.

Tomas sol sátte ol qatty qobaljyǵanyn jáne Djons ony tynyshtandyrýǵa tyrysqanyn aıtty.

– Men sol kezde óte qatty sastym, qatty qorqyp, alańdadym. Meni qulatyp tastady, – deıdi ol tártipsizdik bolǵan kezdegi polısııanyń áreketine narazy bolyp.

Vankýverde ósken Tomas buryn mundaı jappaı tártipsizdikti kórmegen.

– Men búlikter týraly estigenimmen (1994 j.), ondaıdy kórmegenmin. Vankýverde búlik óte sırek bolady, – deıdi ol.

Olar álemge tanymal bolǵan foto týraly Facebook- qoldanýshylary ózderin belgilegenge deıin eshteńe bilmegen.

Fotosýret qazir marketıngte jáne búkil álem boıynsha ónimderge arnalǵan kampanııalarda qoldanyldy.

Bul fotonyń menshik quqy Getty Images-ge tıesili. Fotony paıdalanǵysy keletin kez-kelgen adam Tomas pen Djonstan ruqsat alýy kerek.

Al sýretti túsirgen fotograf pen jup búginge deıin habarlasyp turady.

Qazir erli-zaıyptylardyń úsh jasar qyzy barú Olar Pert qalasynda "Beerpourium" dep atalatyn syra baryn ashqan.

Tomas áli kúnge deıin Vankýver Kenaks quramasynyń jankúıeri jáne eger olar Stenlı kýbogyn jeńip alsa, jup taǵy da tanymal foto jasaıtynyna senedi, biraq bul rette jerde jatpaı, merekelik pozada bolady dep úmittenedi.

"Qamshy" silteıdi
Ilmek sózder: Vankýver jup

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir