• USD 424.44

  • EUR 504.91

  • RUB 5.81

  • CNY 65.72

02 Tamyz, 12:03:35
Almaty
+27°

Bıyl Almaty kolledjderine oqýǵa túsý talaptaryna ózgeris engizildi. Bul týraly qalalyq bilim basqarmasynyń tehnıkalyq jáne kásiptik bilim berý bóliminiń basshysy Áset Muhanbetov habarlady.

Mundaǵy jańalyq – emtıhandardyń bolmaýy. Tek memlekettik tapsyrys boıynsha pedagogıkalyq, medısınalyq pen shyǵarmashylyq mamandyqtaryna túsýshiler arnaıy emtıhan tapsyrady.

Onyń aıtýynsha, memlekettik tapsyrys talapkerdiń tańdaýy boıynsha kolledjderge naqty qabyldaý nátıjeleri boıynsha ornalasady.

– Memlekettik tapsyrys belgili bir upaı jınaǵan jáne básekege qabiletti kolledjderge beriledi. Memlekettik tapsyrys boıynsha oryn alǵysy keletin talapkerler tizimge engen kolledjderdi ǵana tańdaı alady, – dedi Áset Muhanbetov.

Byltyr kolledjder qabyldaý emtıhandaryn óz betinshe ótkizgen bolsa, endi básekelestik ortasha upaı boıynsha avtomatty rejımde ótkiziledi.

Demek JOO-na túsý úshin medısınalyq, pedagogıkalyq pen shyǵarmashylyq mamandyqtardan basqa UBT sertıfıkaty talap etilmeıdi.

Sonymen qatar ol bul sharalar memlekettik tapsyrysty qabyldaý men ornalastyrý prosesiniń ashyqtyǵyn qamtamasyz etýge, kolledjder arasyndaǵy básekelestikti kúsheıtýge múmkindik beretinin atap ótti.

Barlyq mektep túlekteri bilim basqarmalarynyń aqparattyq júıeleri arqyly kásibı dıagnostıkadan ótý múmkindigi bar. Nátıjesinde talapker belgili bir mamandyqty alýǵa usynystar alady, usynylǵan mamandyqtardyń kartalarymen tanysady.

Kásibı dıagnostıka qorytyndysy boıynsha talapker 4 mamandyq pen 4 kolledj tańdaı alady.

"Qamshy" silteıdi
Ilmek sózder: kolledj stýdent Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir