"О́z densaýlyǵyna qaýip tóndiredi". Alekseı Soı málimdeme jasady

Aıtýynsha, Qazaqstanda joǵary tehnologııalyq kómek kórsetý kólemi ulǵaıyp, jańa perınataldyq ortalyqtar salynypjatyr. Innovasııalyq ázirlemeler engizilýde. Bul – sırek kezdesetin jáne kúrdeli aýrýlarǵa sátti dıagnoz qoıyp, emdeýge múmkindik bergen.

 

– Biz eń mańyzdy eki kórsetkishtiń jaqsarǵanyn baıqaımyz – ómir súrý uzaqtyǵy artyp, týý kórsetkishi ósýde. Osy jetistikterdiń árqaısysynyń artynda, árıne, sizdiń úlken eńbegińiz, ıaǵnı medısına qyzmetkerleri, óz isine jaýapkershilikpen qaraıtyn túrli mamandyqtaǵy adamdar tur. Pandemııa bizdi kóptegen qundylyqtardy qaıta qaraýǵa májbúr etti, ásirese Aq halattaǵy adamdarǵa degen kózqarasty ózgertti. Olar eki jyl boıy kórinbeıtin jaýmen kúresedi, ár naýqastyń ómirin saqtaý úshin óz densaýlyǵyna qaýip tóndiredi. Aýrý jáne saýyqqandardyń biryńǵaı sandarynyń artynda pandemııamen kúreste myńdaǵan medısına qyzmetkerleriniń qajyrly jáne batyrlyq eńbegi jatyr. Bizdiń barlyq medısına qyzmetkerlerimizge olardyń qazaqstandyqtardyń densaýlyǵyn qorǵaýǵa qosqan baǵa jetpes úlesi úshin shynaıy alǵysymdy bildirgim keledi. Qurmetti dárigerler, feldsherler, meıirgerler, kishi medısınalyq qyzmetkerler, sizder óz mamandyqtaryna adal júrekterińiz ben jan – dúnıelerińizdi berip jumys isteısizder. Sala ardagerlerine erekshe alǵys sózder aıtyldy. Sizdiń tájirıbeńiz dástúrdi saqtaýǵa kómektesedi jáne mamandardyń jańa býynyna úlgi bolady. Qurmetti áriptester, Sizderdi kásibı merekelerińizben taǵy da quttyqtaımyn jáne Sizderge jáne otbasylaryńyzǵa densaýlyq, tatýlyq tileımin!, – dedi mınıstr facebook paraqshasynda.