• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:33:16
Almaty

Prezıdent Qasym-Jomart Toqaev Qaraǵandy jáne Aqmola oblystaryn gazben qamtamasyz etý merziminiń keshiktirilip jatqanyn, ákimdikterdiń salǵyrttyǵynan turǵyn úılerdi gazben qamtý merzimi keıinge shegerilgenin is aıtty. Bul týraly Aqordanyń baspasóz qyzmeti habarlady.

Prezıdent gaz salasyn damytý jónindegi keńeste suıytylǵan gaz jetkizýshi kásiporyn Atyraý munaı óńdeý zaýytynyń jumysyn synǵa aldy. 

– Jańǵyrtý jumystary 2018 jyly aıaqtalǵanyna qaramastan, kásiporyn jumysynda áli de irkilister bar. Nátıjesinde, munaı ónimderiniń barlyq túri boıynsha óndiris kólemi kemip, sonyń ishinde, suıytylǵan gaz  azaıyp ketti. Bul janarmaı quıý stansııalaryndaǵy tapshylyqqa jáne baǵanyń sharyqtaýyna alyp keldi. Qazirgi ýaqytta atalǵan prosess jabyq  ári túsiniksiz jaǵdaıda iske asyrylady. Bul sybaılas jemqorlyqtyń etek jaıýyna alyp keledi, – dedi  Toqaev.

Memleket basshysynyń sózinshe el boıynsha gazdandyrý deńgeıi 53 paıyzdan asty. Alty óńir 90 paıyzdan astam kólemde gazben qamtamasyz etilgen. Bul rette elorda, Qaraǵandy jáne Aqmola oblystaryn gazben qamtamasyz etý merzimi keshiktirilip jatyr. 

– Ákimdikterdiń salǵyrttyǵynan turǵyn úılerdi gazben qamtamasyz etýdiń belgilengen merzimderi keıinge shegerilýde. Sondyqtan úkimetke naqty merzimin, ındıkatorlar men jaýapty tulǵalardy kórsete otyryp, atalǵan óńirlerdi gazben qamtamasyz etý josparyn jandandyrýdy tapsyramyn, – dedi prezıdent.

 

 

 

"Qamshy" silteıdi
Ilmek sózder: Toqaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir