"ERTIS" fýtbol klýbynyń dırektory Serik Omarhanov sottaldy

Pavlodarlyq ERTIS fýtbol klýby qoǵamdyq qorynyń dırektory Serik Omarhanov sottaldy. Bul týraly qarjy monıtorıng agenttigi habarlady. 

Agenttiktiń málimetinshe, Serik Omarhanov "ERTIS" klýbyn 2019 jylǵy mamyr aıynan 2020 jyldyń aqpanyna deıin basqarǵan. Komandanyń bas esepshisi 2019 jyldyń maýsymynda komandanyń salyq aýdarymdaryn jasaıtyn qarajaty joq ekenin eskertken. Sebebi komanda quramy negizgi oıynshylarynyń aılyǵy bir jyldyq smetadan asyp ketken. Klýbtyń burynǵy basshysy bas esepshige salyq organyna burmalanǵan málimetterdi tapsyrýdy buıyrǵan.

"Osylaısha ol memleketke tólenbegen salyqtar túrinde 193 mln teńgeden astam somaǵa zalal keltirgen. Serik Omarhanov kinásin tolyǵymen moıyndady. Sot osyny jáne onyń buǵan deıin qylmystyq jaýapkershilikke tartylmaǵanyn eskerip, jazasyn edáýir jeńildetti. Iаǵnı bir jylǵa ǵana bas bostandyǵynan aıyrdy. Sonymen qatar túrmeden shyqqan soń úsh jyl boıy kommersııalyq uıymda basshylyq qyzmet atqarýyna tyıym salyndy. Ol qylmystyq kodekstiń 245-babyna sáıkes salyq jáne bıýdjetke tólenetin basqa da mindetti tólemderdi tóleýden jaltarǵany úshin qylmystyq jaýapkershilikke tartyldy" delingen agenttiktiń habarlamasynda.