Túrkistandaǵy oqýshy óliminen keıin mektep dırektory qyzmetinen shettetildi

Túrkistan oblysynda memlekettik emtıhannan soń ózine qol salǵan jasóspirim oqyǵan mektep dırektory jumystan ýaqytsha shettetildi. Bul aqparatty aýdannyń bas ustazy rastady.

– Mektep dırektory Staeva Aısara Nurjigitqyzyn ýaqytsha tekserý amaldary júrýine baılanysty, osy tekserý amaldaryna kedergi jasamas úshin 14 jumys kúnine jumystan shettettik. Iаǵnı laýazymdyq qyzmetinen shettetildi. Egerde mektep basshysy tikeleı osyǵan kináli bolatyn bolsa ıaǵnı óziniń jazasyn alýǵa men qup qosylamyn, – dedi Ordabasy aýdandyq adamı áleýetti damytý bóliminiń basshysy Shuǵa Nurabaeva.

9 maýsym kúni Túrkistan oblysyna qarasty Ordabasy aýdany Kókaral aýylyndaǵy orta mekteptiń 9-synyp túlegi Elvıra Myqtybek emtıhannan keıin ózine qol jumsaǵan.

Ol úzdik attestatqa úmitker bolatyn. Ata-anasy qaıǵyly jaǵdaıǵa  mektep dırektoryn kinálaıdy. Synyptastary mektep basshysynyń synaq ústinde oqýshy qyzǵa aýyr sóz aıtyp, namysyna tıgeni jasóspirimniń ózine qol salýyna sebep bolýy múmkin deıdi. Osy jaǵdaıdan soń arnaıy top tekserý júrgizgen,  qorytyndy áli jarııalanǵan joq.

Marqum ózine qol jumsar aldynda "Anashym, men sizderdiń úmitterińizdi aqtamadym" dep hat jazyp ketken.