"Iаndeks.Taksı" qyzmeti toqtaı ma?

Sot Qazaqstanda qyzmetin toqtatý týraly sheshim shyǵarǵan "Iаndeks.Taksı" servısniń qyzmeti buǵattala ma? Bul suraqqa Iаndeks Go kompanııasynyń ókilderi jaýap berdi, dep jazady Kapital.kz saıty.

Servıs ókilderiniń málimetinshe, taksı qyzmeti burynǵysha isteı beredi, servıs buǵattalmaıdy. Kompanııa aldaǵy ýaqytta sot sheshimine baılanysty appelıasııalyq shaǵym túsirmek.

Buǵan deıin "Iаndeks. Taksı" men "G-Taxi" qyzmetiniń arasynda tapsyrys resimdeletin aqparattyq júıeni paıdalaný patentine baılanysty daý shyǵyp, is sotqa deıin jetken. Almaty mamandandyrylǵan aýdanaralyq ekonomıkalyq soty "Iаndeks.Taksı" tapsyrys berý júıesin qoldanǵan kezde patenttik quqyqty buzǵany úshin isti shaǵymdanýshy "G-Taxi" qyzmetiniń paıdasyna sheshken. Ol boıynsha servıs qyzmeti Qazaqtan aýmaǵynda toqtatylatyn bolǵan. Alaıda sot sheshimi kúshine enbegen.