• USD 424.85

  • EUR 504.21

  • RUB 5.84

  • CNY 65.86

19 Qazan, 17:15:26
Almaty
+15°
12 maýsymda Maqpalsaı shatqalynan Túrkistan oblysy taýlarynda joǵalyp ketken bir adamnyń denesi tabyldy. Bul týraly tótenshe jaǵdaılar mınıstrliginiń baspasóz qyzmeti habarlady.
 
Shatqal teńiz deńgeıinen 1000 metr bıiktikte ornalasqan. Taýly releftiń, jartasty betkeılerdiń kóptiginen deneni tikushaqpen tasymaldaý múmkin bolmaǵan. Respýblıkalyq jedel-qutqarý jasaǵynyń qutqarýshylary О́gem ózeni arqyly ótetin ótkeldi (aǵys jyldamdyǵy sekýndyna 20 metr) jaıaý júrip, máıitke qaraı jyljyǵan.
 
"Respýblıkalyq jedel-qutqarý jasaǵynyń qutqarýshylary máıitti áýe kemesine deıin jaıaý kóterip aparyp, júkshyǵyrdyń kómegimen áýe kemesine kóterdi. Tabylǵan múrde saraptama júrgizý úshin polısııa qyzmetkerlerine tapsyrdy. Izdeý jumystaryna Túrkistan oblysy tótenshe jaǵdaılar jáne polısııa departamentteriniń, ulttyq qaýipsizdik komıteti shekara qyzmetiniń, orman sharýashylyǵynyń, О́zbekstan Respýblıkasy tótenshe jaǵdaılar mınıstrliginiń 127 qyzmetkeri, 15 birlik tehnıka, 3 kvadrokopter, 3 kınologııalyq esep, 1 tikushaq jáne joǵalǵan týrısterdiń týystary jumyldyryldy. Izdeý jumystary segiz baǵyt boıynsha júrgizilýde" delingen habarlamada.
 
21 mamyrda Túrkistan Saıram-О́gem memlekettik ulttyq tabıǵı parkiniń aýmaǵynda 7 adam joǵalǵan. 28 mamyrda olardyń úsheýi din-aman tabyldy, 29 mamyrda eki týrıstiń máıiti tabylǵan. Taǵy bir týrıst Qýanysh Toqtasynnyń denesi 12 maýsymda tabyldy. Bir adam izdestirilip jatyr.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir