Alekseı Soı vaksına saldyrǵan qazaqstandyqtar sanyn aıtty

Densaýlyq saqtaý mınıstri Alekseı Soı úkimet otyrysynda eldegi epıdemıologııalyq jaǵdaıdy málimdedi. 

Mınıstrdiń aıtýynsha, elde sanıtarlyq-epıdemıologııalyq jaǵdaı turaqtanǵany baıqalady. Qazaqstan koronavırýstyń taralý qaýpi boıynsha "sary" aımaqtan "jasyl" aımaqqa ótken.

– Bir apta ishinde syrqattanýshylyq deńgeıi 30%-ǵa, vırýstyń reprodýktıvtik ındeksi 0,84-ke deıin, ınfeksııalyq tósek-oryndardyń júktelýi 24%-ǵa deıin, reanımasııalyq tósek-oryndardyń júktelýi 21%-ǵa deıin tómendedi.

"Qyzyl" aımaqta Nur-Sultan qalasy, "sary" aımaqta – 6 óńir: Almaty qalasy, Atyraý, Pavlodar, Batys Qazaqstan, Aqmola jáne Qaraǵandy oblystary ornalasqan. Qalǵan 10 óńir – "jasyl" aımaqta, – dedi Soı.

Ol búgingi tańda vaksınanyń  birinshi komponentin – 2,4 mln-ǵa jýyq adam,  ekinshi komponentti  – 1,3 mln-ǵa jýyq adam saldyrǵanyn habarlady.