09 Maýsym, 2021 Ekonomıka
Foto: Ashyq derekkóz
Salvador bıtkoındi resmı valıýta retinde jarııalaǵan álemdegi birinshi el boldy.
Prezıdent Naııb Býkeleniń krıptovalıýtany zańdy valıýta retinde qabyldaý týraly usynysyn Kongress maquldady.
Prezıdent úkimettiń tarıhı oqıǵa jasaǵanyn jáne bul qadam shetelde turatyn salvadorlyqtardyń úılerine aqsha jiberýin jeńildetetinin aıtty.
Bıtkoın Salvadorda 90 kúnnen keıin AQSh dollarymen qatar zańdy tólem quralyna aınalady.
Jańa zań boıynsha, árbir bıznes taýarlar men qyzmetterge zańdy tólem quraly retinde bıtkoındy qabyldaýy kerek.
"Bul bizdiń elimizge qarjylyq tabys, ınvestısııa, týrızm, ınnovasııa jáne ekonomıkalyq damýdy ákeledi" dedi prezıdent Býkele óziniń tvıtter paraqshasynda.
Keı qarjylyq jáne zańdy baqylaýshylar zańnyń ózgerýin keremet jetistik jáne tarıhı sát dep sıpattasa, keı mamandar krıptovalıýtanyń qubylmalylyǵyna alańdaýshylyq bildirdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir