Foto: Ashyq derekkóz
Qoǵam belsendisi Muhtar Taıjan Qazaqstanda qymbatshylyq órshýine baılanysty úkimettiń ekonomıka salasyna jaýapty tulǵalaryn qyzmetten alý týraly bastama kóterdi.
– Qymbatshylyq halyqty ábden basyp ketti. Adamdar ýje tamaqty satyp alý úshin kredıt alyp otyr. Aýyldaǵy dúkender halyqqa azyq-túlikti qaryzǵa berip jatyr. Al halyq kedeıshilikke jáne kredıtke batyp qaldy.
Eshqandaı ekonomıkalyq reforma júrip jatqan joq. Ekonomıka mınıstrin eshkim kórgen de joq, estigen de joq. Ekonomıka mınıstri bizde bar ma ózi? Reforma keńesi de jumys atqaryp jatqan joq.
Ýaqyt ótip barady, al ekonomıkalyq reforma bastalǵan da joq. Baıaǵy jartas sol jartas. Ekonomıkamen 20 jyl boıy aınalysatyn eski kadrlaryn qýyp shyǵyp jańa kadrlaryn jumysqa tartý kerek. О́z basym aıtam, meni shaqyrsa, men naǵyz ekonomıkalyq reformany júzege asyrý úshin barar em. Biraq qaıdam, men barsam naǵyz reforma bastalady ǵoı, al oǵan olıgarhat qarsy..., – dep jazdy Muhtar Taıjan facebook paraqshasynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir